@15/06/2013 (婆婆生日)
每年婆婆的生日都同父親節好接近, 所以今年我地索性一齊慶祝
所謂的慶祝都不外乎食餐飯, 今次就叫左婆婆黎我地度打邊爐~
食完野重頭戲梗係切雞蛋糕啦~婆婆仲抱住Yin B一齊聽我地唱生日歌
點知呢個豬仔聽聽下好似當左係自己生日咁, 一路笑騎騎一路拍手手~
氹到婆婆鬼C咁開心
@22/06/2013
呢一日, Yin B 的幾個契爺, 契媽黎左我地度飲飲食食, 打機兼玩B
唔知係咪有外人係度...Yin B比平時好似特別乖d (正一扮野王XD)
Yin Ba 同契爺,契媽打機時, 佢竟然好乖咁坐定定係度..(平時的佢一定第一時間左禁右禁)
自從Yin B出世後, 部wii一直都封塵直到呢日先見天日...
可能因為咁..Yin B第一次見到wii game裡面的公仔時, 佢不知幾開心, 之後又黎拍手手,
今次仲拍得特別肉緊呀
呢個星期忙住book機票酒店 (我的韓國之旅),
搞到依家先有時間update 下個Blog~ 
先講番Yin B 14 Month...係遲左...不過仲好過無嘛
剛滿14個月, 第一樣野就係同Yin B 剪左個和尚look~
圖 : Yin B食芝麻糊
雖然唔係第一次同Yin B 剪頭髮, 但感覺今次剪完後...
佢個頭又大左又圓左...配番佢個身型, 其實問題唔大,
不過黎緊9月番健康院都會叫姑娘度一度頭圍
飲食:
依然係大食仔一名,
每日3餐奶2餐飯, 最後我地都係無減少飲奶次數,
慢慢黎啦~佢要飲我都無可能唔俾佢飲, 佢唔飲就點逼都無用...
生果 : 橙/蘋果/香蕉/西瓜/啤梨, 平時咩都食既佢唔知幾時開始唔肯食提子(好甜的都唔食),
芝麻糊 : "日清牌"即食生蘑芝麻糊 (個人推介,超方便), 食左之後果兩日poo poo好暢順,
仲好大陣芝麻味...但始終係即食包裝 & 糖份多, 少食多滋味!
飲 : 水(一定要主動"貫"水俾佢) / 湯 (未落鹽前裝起同去油, 佢係湯王黎咖XD) /
檸檬茶 (佢的至愛, 一見到雙眼發光, 但真係唔可以多飲!!!!!!!!!!!!!)
言行 :
每日都叫baba, mama, mum mum, 奶奶,
最近一扭計計就係叫"咪咪", 見到嫲嫲又叫"咪咪" = =""
bye bey, 拍手仔已經無難度( 遲下會post 短片)
玩 :
開櫃門。。。
一得閒就"步"係爺爺的影碟櫃度, 係咁開個櫃門..又開又關。。。
前排夾左鑊甘後就收歛左d 啦
最近轉左玩裡面的blue ray碟 
話咁快又黎到15 Month~
圖中的Yin B 係咪好肥美呢~
點知一星期後佢就發燒了
@ 13/6/2013
講番一下今次發燒的小問題 :
13/6/2013 晚開始發燒, 15/6/2013 早先退燒
之後係頭仔度見到一達達紅印 (又黎玫瑰疹?!!)
沖涼完, 我地就發現Yin B上半身真係出左紅疹, 但都唔算多, 17/6/2013就無晒～
之後再上網睇左資訊 & 個人結論 :
可能都係出牙仔時期, BB 發燒會較多。。
需要時食退燒水 (注 : 退熱貼只係令BB舒服d, 對退燒幫助不大), 多休息 & 注意空氣流通,
如果持續高燒唔退, 就一定要睇醫生, 所以要定時同BB探熱, 留意體溫!!
退燒後, 身體可能會出現紅疹, 唔痕之後會慢慢散去 (唔一定係玫瑰疹先會咁）
純粹個人經驗, 歡迎大家指教 ^^
@14/06/2013
呢一日真係禍不單行, 燒都未退～
Yin B 唔知幾時刮損左個上唇邊 ><" (心痛C我啦～)
好在佢又無咩痛的反應,
Yin Ba 仲講笑話佢生鬚扮三哥 @@" (佢睇TBB劇上左腦)
依家已經無事變番靚仔樣
飲食 : 最近佢的至愛 ~ 芒果 (其實都係媽媽我的至愛
)
早排嫲嫲整芒果Jelly, 呢個為食豬見到發晒狂係咁lur住食
不過芒果濕熱, BB真係要少食呀～
言行 :
最近好like發 A, B 呢兩個英文字母單音 ^^
唔知係咪聽得多ABC song呢~(平時播碟,佢最鐘意聽呢一首)
仲有呢排開始唔baba, mama疊住黎叫, 反而係叫 um(發"唔"音) ba, um ma..好搞笑XD
玩 :
撒盲雞 : 最近超鐘意同Yin B 玩呢個遊戲,
皆因每次一見到佢成功搵到我地時果開心樣, 真係好得意呀
有次搵到我後, 見我仲企企定係度唔哩埋,
佢竟然推我番去原本哩埋的位置, 然後自己走左去之後再黎搵我
原來佢都好鐘意玩呢個遊戲!!
戎片 :
天氣越黎越熱, 99開始每日係Yin B 午睡時唔用尿片,
暫時都無瀨尿過~
識得忍, 都要識得講去尿尿...
佢無用尿片時, 一見佢行去廁所就會係咁問佢係咪去尿尿...
開始時半個鐘問一次, 之後就45mins...
成功率 : 1%
(慢慢教啦~急唔黎既)
咁poo poo呢?!
平時佢一想poo poo, 就會um um然後谷紅塊面, 我地就知佢係開大啦~
當然唔可以單睇佢呢個反應, 都要教佢自己講~
(咁平點可以唔同大家分享)
(想C呀~)
)
