❤10月小雜記❤

Yin BB 8個月大啦~

~Happy 8 Months~


時間過得真快,

我都未黎切寫番曬Yin BB 之前7個月的成長紀錄,

今日佢已經8個月大啦~



身形&體重:

由出世到依家, Yin BB都係算大隻B.

上個月底我同Yin BB買秋季衫仔, 我已經揀1-2歲size俾佢.

個sale見到猛話我揀得大,

點知, 番到去一試, 剛剛好.

奶奶仲話可以再揀大件d.

6個月番健康院檢查時, 體重: 8.76kg, 身高: 70.5cm

姑娘都話佢係大隻仔.

之後要明年3月先再番去健康院檢查,

所以每1-2星期, 爺爺就會抱住Yin BB係屋企的電子磅磅重.

依家: 21-22g


飲食:

每日2餐粥 (中午 & 晚上), 3餐奶 (6-7安).

除左前排出玫瑰疹 & 每2個月就有1星期的厭奶期, 胃口差d,

平時都係10mins 就食曬粥仔 & 飲完奶奶. (叻叻)

超為食, 見到我地食緊野, 就眼定定望住,

然後就呱呱吵想食.

喂左佢食, 知道好食就會猛叫要你再喂佢. (個個見到都讚)

係唔多肯飲水 (好多BB的通病).

琴日, 買左個學習奶樽俾佢 飲水水.

為左吸引佢, 我地俾提子汁(一定要溝水, 因為超甜)佢飲.

起初, 啜左幾下無咩反應, 仲一手拎開當玩具咁fing 黎fing去.

我拿拿林用手按住佢, 等佢啜多幾下.

之後, 就死都唔放開.

(有相為證咖)




活動 :

自己坐定定係度玩已經no problem,

依家有野扶住都可以好穩咁企係度.

我地扶住佢雙手, 佢就會大大步咁行.

仲有, 開始識爬爬.

其實5個月開始想爬爬了.

不過唔知係咪因為佢頭重, 都未開始真正爬,

郁幾郁, 佢就將個頭鐘左落去 = ="

依家~的確係個好開始.


語言 :

識叫Baba, 不過應該未有意識知道邊個叫Baba.

因為一叫開就好似唱歌仔咁, 叫唔停,

但老公聽到心都甜埋.

有時, 都會叫"Ma"一聲 (但唔會疊疊咁叫)

好多時仲要係發脾四時候先咁叫.


社交:

認得爺爺同嫲嫲, 由其嫲嫲.

嫲嫲唔抱佢同佢講打打, 唔要佢,

佢會即時扁曬嘴同喊.

不過, 陌生人抱佢, 佢都唔會即刻喊.

玩熟左, 抱耐d都無問題.

唔係就扭計要番我地抱抱.


健康:

2星期前玫瑰疹發燒左幾日,

成個人都謝曬.

好在依家病好了..

又精靈番 ^^

大小便都正常 (每日都有1-2次便便)

Yin BB你要繼續健康咁成長哦~Mama錫曬你

Happy Gathering - 17.11.2012

上星期六, 我同Yin B一齊過左個既充實又開心的一日^^

就係去左Yetta Auntie 的未來新居大玩兼大食.



呢日, 我係第一次自己一個人湊Yin B出街街.

Yin Ba 只係做柴可夫司機.

好在, Yin B都算好乖, 只係眼訓時同食粥仔前扭下計計~ (叻叻)

加上有Yetta Auntie & Shan Auntie 幫手睇住~我都算應付自如..哈哈

Yin B咁乖~抵Shan Auntie 買好野食俾你..(拎住唔肯放手)

(Yin BB : 咩黎咖? 扭唔開既...)

最後~出殺手鐧 ---- 電人眼神 @@''

好啦~媽媽投降了..開俾你食啦~(不過都唔可以食咁多咖)

有Shan Auntie係度, 又點會唔同Yin B影相相呢~

~坐定定係度~

(Yin B : 影完未呀? 我好肚餓呀!!!!)

我地同Yin B玩緊時..Yetta Auntie 已經好忙碌咁整緊大餐俾今晚幾隻餓鬼

之後, Shan Auntie同佢既Honey都加入埋煮食兵團...

仲有意想不到的人幫手:

"黑"超特警煎雞翼


當大家咁忙碌時, 我都要加入埋一份 >> 煮粥仔俾 Yin B食..

呢個時候, 好在有Yetta Auntie 的小妹幫手湊住Yin B.

睇下Yin B幾乖...

其實..係眼都唔眨睇緊電視 ...= = ''''

6:45pm, 大家忙左咁耐, 大餐都開始成形了 ^^ (Yummy)

7:00pm, 6個餓鬼埋位啦~( Yin B除外)

後記 :

呢個時候, 我行開左去掉尿片&洗碗, 大大聲叫人幫手睇住坐係sofa 的Yin B~

跟住,

呢兩個大男人就自覺奮勇行埋去.....係咁望住..望住..望住..Yin B 


(Yin B : ........)

3 mins ago~ (Yin B : 你地望完未呀!!??)


呢日真係好開心~

期待下次的Gathering & Thx Yetta Auntie so much

為食龍少爺

成長~Yin B病好啦

Yin BB好番啦~

睇下呢張相就知道佢紅疹退曬, 又變番皮光肉滑呢~


拍於11.11.2012

講番下佢病情轉變吧 :

7/11/2012

呢日我同Yin Baba 本身係請左假同Yin BB去屯門睇眼科既~

因為早前去健康院檢查, Yin Baba擔心佢有"鬥雞", 醫生同Yin BB檢查時, 佢又好唔合作. ><"

為左令我地安心, 醫生就寫左轉介紙俾我地去睇專科.

當然, 最後都係去唔成啦.


11:30am食完粥仔, 度左體溫 : 37.5度. 算係比之前退左d.

計埋今日, 都發燒左3日了.朋友仔同我講如果Yin BB今日都仲唔退燒,

就要帶佢睇多一次醫生了..>////< (好擔心)


5:00pm, 見Yin BB今日成個下午都無咩點扭計, 仲好精靈咁~

心諗應該都退燒了吧~

一度, 36.8度...Yeah~ 退燒了...

不過, 接住就發現Yin BB 的頭皮以至耳仔邊都出埋紅點....

我即刻打開佢件衫一睇....@@"都出埋紅點了.



原來.....係"玫瑰疹", 根本都唔係"手足口病"

真係俾急證室的醫生誤診激死...


既然係"玫瑰疹", 再加埋退左燒. 情況就明朗得多.


根據資料 :
"玫瑰疹" 在燒退以後，由身體到頸部出現許多細細的的小紅疹，

所幸疹子的特徵為不會痒，小寶寶不會因為痒而鬧情緒。

玫瑰紅似的細小斑丘疹，開始起於軀體，疹子向臉部、四肢延伸，

此時小寶寶並不會有任何不適的現象。

大約一到三天內疹子會自動消失，身體上不會像得麻疹一樣有任何色素沉著或脫屑現象。

雖然講係咁講, 不過見到Yin BB 出滿紅疹既樣, 真係好心痛.

8/11/2012

Yin BB退左燒, 我都要番工了.

Lunch time奶奶打俾我, 話Yin BB無再發燒, 不過身上的紅疹仲多過昨日.

晚上收左工我急急腳番屋企去, 一睇Yin BB 身上的紅疹...真係多到好嚇人.

之後, 我再打去問朋友仔, 佢話係正常既, 如果過多一日紅疹都無退既跡象, 先再考慮使唔使睇多一次醫生.

(仲要等多一日 >///<)


9/11/2012

收工番到去, Yin BB 的紅疹退左些少.

我地聽隔離屋的梅姨話, 去藥材舖買左"紫草蓉"煲水俾Yin BB沖涼.

沖完, 暫時無咩大轉變.


(P.S.我只係單買紫草蓉, 無買莞茜, 以下資料只作參考, 請因應需要而使用!!!!!!)

10/11/2012

Happy~ happy~

早上起身, Yin BB 的紅疹退左一大半啦....^0^

雖然唔知關唔關昨晚用"紫草蓉"沖涼事, 但見到佢變番之前既可愛樣...即時開心番曬.



之後我地仲煲多左2次"紫草蓉" 俾Yin BB 沖涼.

12/11/2012 (Mon) 所有紅疹都退曬啦~

最後送張Yin BB 新look相俾大家睇下^ ^