成長~手指指@豐澤電器

上星期日, 我地成家去左電器舗睇&買抽濕機~

事關屋企最大果部 (我地有兩部), 佢的年紀仲大過我老公

聽落都嚇人呢~(不得不讚以前的電器真係"巧耐用"), 

但佢的濕機力暫時都仲係無"機"可及 !!

不過安全起見, 我地都係決定買番部新既~

一入到去, 最開心就係Yin B~

因為裡面有"N"咁多制俾佢禁

首先埋手既係Printer機~

見佢禁得咁"落力", 我突然大大聲話"爺爺黎啦" (想知點解我咁講~睇前文按此)

佢即時停手睇下爺爺係咪係度~

之後知我呃佢, 就繼續玩佢的"玩具"


平時係屋企佢最鐘意但我地一定唔俾佢玩的電風扇, 佢又點會放過~

起初我話"No~"佢都扮下野唔去禁既(但好明顯佢眼神話俾我知佢唔係!!!)


之後爺爺都仲陪佢一齊玩, 連爺爺都俾玩, 佢更加睬我都傻~

算啦~反正都係"唔過電"的display, 我都由佢玩~

禁完制, 就開始係咁手指指~

Yin B : 點解呢度門開唔到既~

Yin Ma : 仔~度門係上面呀~

Yin B : 呢個咩黎咖?! 隻眼咁大既!!! @@

Yin Ma : 佢係"大眼雞"洗衣機

Yin B : "大眼雞"都幾得意喔~好, 我就要呢部, 果部, 仲有果一部....

Yin Ma : .......我決定留你係度算了!


最後奉上當日的"小小電影" ❤

成長~關櫃門

之前講過Yin B 最鐘意玩櫃門 (10個BB10個都鐘意玩),

玩到夾左幾次手指都仲未知驚~

正如田鼠Ma話"勇者無懼" 

不過今次勇者竟然知驚, (嚴格黎講都唔可以話係驚~大家留意佢的表情就知啦~)

想知係咩, 睇片啦

♫ Happy 16 Month ♪

♫又到每月成長紀錄啦♪

~飲食~
依然係3餐奶2餐飯, 假日我會儘量唔開"下午"餐奶俾佢飲,

開始感覺佢的"奶癮"無咁勁左, 好多時飲淨1-2安,

99唔係度監場, 我都會由佢算~ 早d戎奶, 我仲開心~

生果 :

車厘子 / 香蕉/ 西梅 (最近poo poo出血問題又多左, 所以買多d可通便的生果俾佢食),
水 :

飲水依家叻左好多啦~至少我地喂佢飲佢都會俾面飲一大啖 (P.S Yin B已用吸管水壺飲水lu~)

~言行~

自我進食:
暫時無咩大進展, 勉強自己"不"左3~4啖黎食,
之後就開始係度玩 ><" 好啦~唯有放假時再加把勁訓練佢~
發音 :

最近又發多左好音 : 爺爺(呢個真係幾難發, 所以有時歪歪地音我地都當佢係啦^^)
字母 : L, O, R, W.. (發得好準, 不過就仲未可以指住讀出黎)
Dale Dale ((唔知係咩?! 咪就係Chip N Dale 裡面的 Dale Dale囉~)

因為Yin Ma 我係佢地的Fans, 所以屋企不論毛公仔定床單都有佢地份, 
Yin Ba 最鐘意用我張Chip N Dale被同Yin B 玩, 每次拎張被出黎都同Yin B講Dale Dale,
聽得多, Yin B依家真係識指住黎叫咖


~玩~

7月中Yin B有日玩玩下, 自己企地墊度轉圈,

我地見到就唱"團團轉, 菊花圓", 點知佢聽到仲轉得鬼咁開心~

依家只要我地一唱"團團轉, 菊花圓", 佢就會自動波行去地墊度轉圈啦~

最後講下戎片成績 (前文分享按此)

~自己示意去尿尿熟練左, 不過都有試過貪玩唔記得左去, 一兩次可以接受啦~

~最近有時會玩玩下突然"um..um"示意去poo poo, 但成功真係去到就得一次, 要再努力~

成長~Daily night @ Yin B

拍左我成晚的制成品❤

起初諗住好易整, 點知NG左好多次, 

拍到Yin B都攰死><"

希望大家鐘意&欣賞

Yin B Fan Page >> 陸小B (記得多多支持呀^^)

進展~戎尿片

本黎諗住成功先講既..

不過見Yin B 戎片進展唔錯就偷步分享吓啦


其實對於Yin B 幾時戎片我一直都唔上心 (欠打定了)

相反99就好上心兼好勤力

自上個月中開始, Yin B 瞓妟覺時99就唔同佢著片.

估唔到一開始成績幾好喔, 竟然無係床度瀨過尿 (當然要用尿墊打底啦,預防"萬一")


一星期後, 99就再加把勁!

除左夜晚瞓覺至第二朝早 (00 am - 11 am ) Yin B 會著片外,

其餘時間一律唔著!!!

無著片的時間長左, 再加上佢仲未識自己話去廁所,

只係靠我地定時湊佢去廁所, 有時我地忙緊就會易忘記 (由其99一個人時)

所以成績就差d囉~

網床床墊, 廚房, 客廳, 地墊...全部無一幸免

正所謂失敗乃成功之母,

又一星期後, 終於有好成績啦~

1, 夜晚瞓覺到第二朝飲早奶時(00am-6/7am), 佢完全無係片度尿尿,

**但早奶完再瞓到食lunch時佢就會係片度尿尿 (6/7am~11am) -- 唔知點解?!!**

2, 由於我地會定時湊佢去廁所尿尿 (1hr - 1hr30mins, 希望遲d 可以件延長到2hr / 以上) ,

佢似乎知道幾時會去廁所, 瀨尿明顯減少左 

3, 假日外出食野會同佢著番片, 但佢都唔會係片度尿尿, 會忍到番屋企呀 (有好幾次成2hr咖).

4, 上星期五, Yin Ba放假湊B, Yin B係度玩緊時突然自己走左去廁所, 之後Yin Ba 就同佢尿尿, 

1hr 後佢又係咁...Yin Ba 見到開心到拿拿林打俾我報喜 : 你個仔識自己"示意"去廁所啦!!!

當然我之後番到去有再實證過, 成功率係一半一半啦~

雖然仲要繼續努力, 不過有咁既成績,

媽媽已經好開心啦~

Yin B ~ 你真的大個仔囉~

成長~吉針的疑惑?

呢篇文想打好耐啦~點知自己成日都忘記~

前幾日睇番Yin B 針卡終於醒覺番!!!!!


Yin B 一歲時番健康院時本黎就要打兩支針既 -- MMR & 肺炎球菌

不過因為我地擔心佢會中水痘 (果時係高峰期&水痘針又斷晒貨),

最後, 我地唯有俾多少少錢去私家打MMRV(四荳混合疫苗),

所以番健康院時Yin B只係打左"肺炎球菌"果支針.


點知問題就黎啦~

事關果日打針前會見下姑娘, 

佢問我今日打咩針時,

我就話只係打"肺炎球菌", MMR 唔打(因為決定去私家打MMRV).

我仲好多餘咁問個姑娘, 既然MMR 第一支無係呢度打,

MMR第二支都唔使打啦!?

點知果姑娘竟然答 : 都要打呀..呢支係第二種黎咖!! 唔係第二支><"""

第二種!?? 佢想講咩呀!!!

都唔知係我理解能力低, 定佢解釋能力低...

總之我聽到一舊"暈"

最後我決定唔同佢糾纏, 係咁"哦哦"應付左佢算!


第二日我打左俾我的舊同事, 叫佢幫手問下佢做護士的朋友.

之後佢覆番我 :

雖然你去私家打MMRV, 但健康院小一時打的MMR最好都打埋.

因為某d健康院 (我唔知係咪全部都係咁) 只要你一開始係佢地度打,

佢地就會照足針卡上同你打齊晒 (make sure做足本份)

如果你一兩支(本身政府免費包的) 去左私家度打,佢都有可能會叫你再打埋.....

因為佢地會擔心&唔知你係出面打左咩針 (咩理由呀!!?? 我有針卡蓋印咖, 點會唔知)

而且健康院MMR第二支係小一時先打,

你係私家打的MMRV最快可以係打完第一支3個月後打,

即係有機會呢兩支針都相隔左一段時間 (係咪聽到一舊"暈"呢...我都開始唔知自己講緊咩= ='')

打埋仲多個保障!!!!!

(P.S. 以上只係轉述的大概意思, 只供參考)

如果真係我朋友轉述咁講..

打混合針不但無令BB打少左針...

依家咪仲要打多針!!!!!



各位媽咪, 你地點睇呀!???

可以俾d意見我嗎? (好苦惱呀)

成長~Blog Blog BB Gathering ^^

So happy day @ Blog Blog BB Gathering~

星期日(30/06/2013), 我同Yin B, Yin Ba 一家3口參加左由Bloger~小檬mama主力籌辦的 BB Gathering~

第一次見到咁多BB, Mama, Baba, 感覺真係好開心 ^^

除左再次感謝小檬mama, 

更感謝小檬 (做足全日B模俾我地班EE任影), & 小檬baba (見到佢不停又擔又抬, 仲要帶路)

一入到去, 凳都未坐熱, 

Yin B 一見到小檬baba 剛擺低的bu bu 車, 即刻衝埋去仲拎起左個遙控!

朗朗BB都被吸引埋黎^^

朗朗BB都唔執輸, 係咁捉實軚盤

不過最終都俾呢隻野蠻的豬仔爭贏左, 食頭啖湯~

你睇下佢幾滿足~

好~黎張Chock樣post~

笑到見牙唔見眼

之後架bu bu車開始俾其他BB發現啦~個個輪住黎同佢影相相 @ BBG

之後的情況就更加搞笑...(圖片copy自肚B)

車主小檬第一時間坐定個靚位>>護車

其餘的6位BB就圍住架車係咁搵位攝

大家Warm up左一輪後, 開始影大合照嚕~

咁多BB係咪好壯觀呢~

可惜Yin B無入到鏡><" 因為佢同"周小姐"約會緊~

Yin B 覺覺豬, 無聊的我就周圍影BB相~

呢張叫"眾裡尋波哥"

波哥的魅力果然強勁, 個個都爭住同佢影相~

wu...wu...我都係得個影字咋, Yin Ba都係咁叫我埋去抱佢啦~抱佢啦~

但實在插針都插唔入...下次再有機會我一定一定一定要抱到佢 (堅定的眼神)

~BBG飲奶樣~

佢個動作真係好好笑

~小豆~

小檬 & 小豆

佢地兩個全日最多交流呢 

小檬想拖小豆手仔~

可惜無拖成~唔怕唔怕~之後仲有大把機會

~可愛的小B~

~南瓜仔~

影左一陣相, 之後我地大人就開餐囉~

Yin B 果然係大食B, 總係聞到米飯香就自動起身~

Yin Ba拿拿林拎d 意粉喂飽佢先~

食完都未夠喉?!! 仲要出動星星餅 ><" 

食飽飽就成個大少爺款係咁fing fing手~

話明係BB Gathering, Yin B你點可以唔同d BB交流下咖~

但似乎勉強無幸福, Yin B呢個姿勢成個撩交打既樣

唔怪得小B 唔so 佢啦~

咁岩小檬企定定係我面前,

我拿拿林捉實佢同Yin B 一齊影相

 ~大B影大合照~

呢張相的大B好似聽緊指令排隊隊咁~而個指令人...竟然係Yin Ba  

大B準備坐低影相時, 小檬第一時間拖住小豆的手仔呀~ 

小檬 : Yeah~終於拖到啦~

BBG : OMG~俾你搶先左一步!

南瓜仔 : 小檬~準備影相啦~唔好玩鞋帶啦~

小檬 : 小豆寧願坐bu bu車都唔陪我...wu..wu..我無心情影相!

幾經辛苦, 終於引到呢5個BB坐定定影相~(小檬/南瓜仔/龍BB/燒腩仔/Yin B)

注 : 小檬的表情 (悶悶不樂)

影左幾張, 小檬最終都忍唔住離場去左搵小豆  

南瓜仔 : 龍BB~俾番個名牌我~

龍BB : 唔係我既咩?!! (捉實唔放)

燒腩仔 : 咁都爭一餐...哈哈

之後的5B合照, 小檬離場 ( 小檬: 我無離開呀, 我只係坐後左姐~), Tarebaby(右一)加入

龍BB/燒腩仔/Yin B

正如肚B媽所講~好難得合照呀~(好開心果日可以抱到肚B, 佢仲做埋佢的招牌嘟嘴俾我睇呀)

肚B & Yin B 

中場休息~

小檬拎住個檸檬茶盒自得其樂

仲任影唔嬲~

相反Yin B 就差d囉~

我俾個吉盒佢啜, 啜左兩下無料到即刻發爛渣><"

最後要出動"有料"菊花茶先收聲~

之後Yin Ba拎野飲, 佢又唔放過~

手拎住盒提子乾都唔夠, 仲要眼甘甘望住檯面的食物...

之後見到小B食餅餅, 就係咁mum mum叫, 

人地都未食都要俾左佢先...仲完全無多謝的反應><"""

仔呀仔呀~到底你咩構造咖~食極都唔飽, 失禮C人囉~

咁岩係坐係隔離的柑B~(柑B: mama~我依家咪幾乖, 邊有喊足全埸呀~)

終於可以近距離影到波哥~不過佢俾人mark實左...都係抱唔到><"

抱唔到, 唯有影相補數啦~節瓜手呀

食完野影完相,

大家都開始湊B轉場>>遊樂場

Yin B突然好似拳王上身咁~

左一拳右一拳~

全日都無咩點同其他BB交流的Yin B,

係呢個時候終於可以同龍BB玩番下嚕~

不過一分鐘都唔夠又閃人= =

之後我地又同Yin B玩撒盲雞...

笑到佢個下巴都無合埋過~ 朗朗BB都有黎玩埋一份

臨走前~梗係要同主人家say bye 兼影下相既~

小檬的happy face & Yin B 的無眼睇 

之後仲有BBB加入一齊影相相~

(謙謙bb/ BBG /小檬/Yin B / BBB)

So happy day & 希望下次再有機會玩過啦