發脾四

唔好睇少BB發脾四,

因為佢地分分鐘惡死過大人

前幾日我扮Yin B發脾四個樣,

可能佢嫌我扮得唔夠傳神,

最後仲做埋一份俾我睇

淘 * 網床

 

首圖 : Yin B係度用佢的食指篤網網


望穿秋水, 網床終於係上星期五到貨啦~

早係Yin B 6個月時, 我地就考慮買網床俾佢.

依家11個月先黎買, 真係遲左!


自從多左Yin B, 屋企的雜物堆積如山.

奶奶一直都叫我地睇定d先再買唔買網床.

好早Yin B就跟奶奶訓大床到依家 (我都知唔好啦, 不過只有咁佢先訓得好d, 所以都無法子)

所以張BB床就變左張遊戲床,

淨係俾Yin B係度扶住行行企企.

終於, 一星期前病好的Yin B 有如甩繩馬騮咁,

當張BB床係樹係咁爬,

差d反身扑左落黎.

Yin Ba 拿拿林叫我淘張網床番黎困住個馬騮仔.

果然有效~

你睇佢幾乖咁係度打鼓鼓


網床內的床褥係我地之前買左用黎打地鋪,

size同網床配合得岩岩好.

擺左之後, Yin B就可以扶住床邊企係度.

如果唔擺床褥, Yin B的頭仔就同網床深度一樣,

佢個頭望唔到出黎, 就會發脾四咖!

網上購物點都會有風險,

網床有一邊穿左2個窿.

影響唔大, 同賣家商討後, 佢都同意退部份款項俾我.

所以, 我都幾滿意.

最後, Yin Ba拎左之前一早買落的一袋波波俾Yin B玩.

呵呵~成個迷你波波池咁.

不過好明顯佢唔係玩波, 係玩我地.

因為佢係咁掟d波波出網床度,

然後等我地執番俾佢再掟.

所以, 我地會儲到一定的數目先一次執番晒俾佢,

唔係條腰點頂得順呀!

 

表情王

首圖 : Yin Ba 的3連拍, Yin B係咪好有潛質做最佳"表情王"呢


因為手足口病, Yin Ba 要係屋企隔離一星期.

多謝大家的開心, 佢依家好得7788啦~

前日開始係屋企幫奶奶手, 做半個湊仔公.

得閒無事就send Yin B的相黎俾我.

前日收到呢幾張相時, 我笑左好耐...

最頂癮係中間果張~

你地又最like邊張呢 ?

2013年~大家最緊要健康!!!!!!!

首圖 : 年初一(0:00am), 超有霸氣的Yin B~

新一年, 最緊要祝大家身體健康!

唔好睇Yin B呢張相咁有氣勢,

一日後, 佢就慘到無朋友 ><''''


大年初一晚, 去完太嫲家拜年番到屋企,

Yin B 就發燒出疹了....鳴鳴.

今次係患左"手足口"病.

對於平時超為食的Yin B,

呢個病真係一大折磨.

足足2日佢完全食唔到野, 一日3餐淨係靠食雪糕頂肚.

你無聽錯, 係食雪糕!!!

因為醫生話, 手足口最辛苦就係食唔到野,

只要BB食到咩就俾咩佢食,

有無營養已經唔係首要條件啦, 最緊要佢食到.

食物一定要夠凍,

當然我地都有嘗試俾其他凍野佢食,

eg: 冰凍奶, 凍椰皇, 乳酪, 凍粥水, 海棉cake...

不過只有食雪糕, Yin B先會唔會大喊仲會食到好開心.

其他的一律見到都喊到收唔到聲

果2日, Yin B都係餓住訓, 試過3:00am餓醒左,

我同奶奶諗住喂佢食粥水, 佢見到吞口水就喊晒口...

最後我地只好一邊喂佢食雪糕, 一邊喂佢食海棉cake (起碼飽肚d)

之後食到痛又喊, 喊攰左又訓...


拍攝日期 : 14/2/2013


13/2 晚, Yin B仲留院觀察左一晚,

無再發燒, 14/2早上開始飲到奶啦~

當日3:00pm就出得院番屋企.

算係我同Yin Ba今年情人節最好的禮物!!!!

**佢個面珠dum都當堂細左一個碼***


拍攝日期 : 16/2/2013

Yin B 可以食番野後, 

除左手腳的紅疹/ 水泡未退晒之外,

同平時已無咩分別...不過感覺佢比之前更好動, 更無時停..

但作為媽媽的心態, 

寧願見佢做番一隻無時停的小魔怪, 都唔不願見到佢喊晒口的陰公豬.



事情告一段落?

本黎就係既...

點知Yin B 出院當日,

Yin Ba就發燒了, 燒左兩日,

最後, 佢都中招啦 -- 又係"手足口".

唔好以為大人""手足口"會好過小朋友,

實情係仲嚴重仲康復得慢><"'''

Yin Ba 手腳出紅疹, 又痕又大粒...

之後頭皮都出埋..

醫生寫左紙要佢放多一個星期假,

如果仲未好清, 仲要寫紙俾佢放假係屋企隔離. ><""



經歷左一個咁樣的新年,

依家對我黎講, 

新年利是多少唔重要,

節目好唔好玩唔重要,

最緊要係一家人健健康康!!!!

希望各位BB同媽咪, 仲有你地的家人新一年都要健健康康!!!!

 

成長~撕紙有益

首圖 : Yin B 認真撕紙中....

好多BB最愛玩的孖寶 -- 遙控 & 撕紙

Yin B好鐘意係我地大床玩遙控咖 XD

不過前幾曰佢終於搵到佢另一至愛玩樂 -- 撕紙

其實我都睇書 & 聽人講過BB撕紙係有益既..

因為係訓練佢地手仔肌肉的一種活動.

不過呢個活動最大的得益應該係Yin Ba,

因為Yin B玩撕紙時好專心 & 好安靜,

Yin Ba只係係隔離幫佢執下紙碎.

1
最後Yin Ba都玩埋一份= =''

到底係你係度定佢係度玩?!!

食指

首圖 : Yin B指住平時用黎擦佢PAT PAT的凡士林

亦係Yin Ma (我) 平時的潤唇膏 = =''


剛睇到田鼠媽的更新,

我PAT PAT痕都搵到Yin B 用食指手指指的圖片.

可能佢地2個都係同期咁大..

有時見到田鼠b的行為,

就好似同Yin B的倒模一樣.

大家可以去睇下食指之田鼠b http://blog.yahoo.com/fmbb/articles/1108422/index 

轉車輪~

聖誕節Yin Ba買俾佢的禮物,

佢最鐘意就係反轉成架車,

然後用手指轉個車輪...

車車係咁樣玩的嗎? >///<

指頭仔 / 撩個耳仔

不過好多時指指下,

就會用個指黎撩個耳仔..

嘜真係咁痕咩?

我日日都有同佢抹耳咖~

廁所板

一連放左2日假係屋企大掃除,

今日番工成身骨痛..= =''

琴日有時間, 出去買年貨,

順便買埋個"廁所板"俾Yin B.


Yin B 2個月左右時,

我地就開始"勒"佢呵Poo & Pee.

個時仲細, 每日都有4-5次Poo.

依家就每日1-2次.


佢就快一歲人仔, 奶奶想早d訓練佢坐板板.

畢竟Yin B依家有番咁上下斤兩,

加上有時佢呵Poo總有一大段前奏 : 怪叫 >> 食手指 >> 玩腳仔 >> Baba聲唱歌仔....

(當然佢真係急起黎就一除片即呵)

所以抱住佢呵Poo都係幾吃力.

早d識坐板板, 咁奶奶都無咁辛苦.

我排隊俾完錢,

就見到Yin B係度玩緊個玩子琴.

我地走時抱走佢,

佢仲死咁禁住唔肯放手

好Blog分享

呢個"博客"一直都想同大家分享~

叫得"博客", 大家都知佢唔係香港人.

是滴, 佢本人係廣州人, 更係一間淘寶店的掌櫃.


最初留意佢, 係因為有人分享佢的淘寶店,

佢的風格唔係我杯茶,
 
但佢的文筆絕對值得一睇.


仲有, 佢都係好媽媽一名,

佢的小寶貝 -- 朵朵真係好可愛咖~

大家有時間不妨睇下....

本人推介佢的"小雜文" & "雲朵集"

❤Just for Sharing~Thx for your watching ❤


35岁云朵妈妈的美丽日记

博客網址:  http://ydmm33.blog.163.com/




//

云朵集

2011-12-05 20:50:47| 分类： 云朵集
| 标签： |字号大中小 订阅

 

1月30日：

【拼爹的時代，買不起學位房、上不了好學校，孩子是否就輸在起跑線上？】

今天群裡一位媽媽說：“我们家境普通，沒有能力、也沒有關係让孩子上好學校，他可以做的只有踏踏實實好好念書。”

太多的高富帥、富二代传奇，希望能有够多寒窗苦讀、出入頭地的正能量去激勵這些孩子，

總使不如別人，也請加倍努力！

//