❤10月小雜記❤

呢篇Blog文的確有 d 不合時~

無計啦~以為忙完10月大日子後, 會得閒d.

點知..根本無停過, 應該係Yin B出世後, 都無得閒過. >//<

話雖如此, 我都忙得好開心, 因為呢d叫做幸福的忙碌~ 哈哈~ (朋友仔講咖)


1/10/2012

除左Yin B誕生日, 呢日就係我人生中第二大日子啦.

每次想起, 都好似剛剛發生完無耐, 想起都好開心.

再一次, 多謝大家.

2/10/2012 ~ 7/10/2012

婚後的一星期, 都係忙過無停手.

回門, 還衫, 招呼親友, 影相, 曬相, 清理婚後物資, 最終, 我打敗仗 -- 病左了!

除左我打敗仗, 仲有Yin B -- "俾蚊叮"!!!!!!!!!

唔好以為俾蚊叮好小事, 睇下圖就知道有幾嚴重 :

除左身上叮左十幾達, 左耳仲叮到腫左><""

最後要去睇醫生, 拎藥膏擦先去到腫.

正面睇...左邊成個"兜風耳"

19/10/2012

呢晚約左好友- Elaine 同埋佢既打令 (Jeff Lam -- 無錯, 就係我Big day的友情攝影師) 打邊爐.

除左多謝佢老公當日的落力幫手, 仲有就係拎靚相. ^0^

呢張係我Y Blog 頭像, 我好like 呀 ^^



呢張我最喜歡~朋友仔話影到我好似Model...XDDDD

但睇真 d ..後面個位"仁兄" 好大煞風景呀...



不過因為我懶的關係...最後我太遲Book唔到位.

結果我地一行4人就係TST稻香等餐死...

6:45pm到達, 8:30pm先開餐..>///<

22/10/2012

呢日公司的E-mail Box壞鬼左...收發唔到郵件, 完全做唔到野.

最後老闆叫我地提早收工, 多左半日假(下午), 超爽呀!!  XDDD

點知..我隻佬一知道, 就即時叫我去搞搞個頭.

原本想去"敗家"的計劃咁就無左. T.T

一整就整左3個幾鐘, 我狂鐘眼訓.

最後個髮型師都頂唔順叫醒我. = ='''

搞好個頭, 晚上我去左MK同一班好姊妹食生日飯. ^^






今年的生日, 身份唔左, 就連生日願望都唔同左. XDD

Anyway, 多謝你地呢班好姊妹


25/10/2012

今年的生日正日, 我第一次無請假.

一黎所剩的年假唔多 (要留番黎陪Yin BB身體檢查), 二黎真係諗唔到有咩好節目.

不過...上天對我都唔錯 ~ 公司的E-mail Box 仲有問題等待修復中,

結果, 我又有一個免費上午假期.. Happy Happy~

於是, 我去左離公司遠少少的"甜屋"食我最like的香草雞扒早晨全餐 （≧∇≦）

咁豐富都只係$26咋~Yummy^^

大家有時可以去試下 ~



3pm...同事Jennie特意去買左幾件B-D cake俾我 ^^

見到都流口水呢 ~ 不過太甜的關係, 一件真係夠曬數.

我揀左件無咁甜的"拿破崙" cake, 味道very nice.


晚上, 老公同我去左朋友推介的"大喜屋"食生日飯.

當日的刺身都算新鮮, 不過老公話比上次佢食個時水準下跌左.

呢幾樣熟食..竟然係我地反兜得最多的 @@"

仲有呢個肥牛鍋..驚喜唔大, 不過就一定填飽你個肚.


總結 : 我同老公認為, 我地兩個人都係唔適宜食日本放題 / 自助餐...

胃口細食得唔多, 而且自助形式的野食, 除非價錢貴..唔係水準真係一般.

食完野, 老公話去行下街, 睇下我想要咩 B-D gift.

不過, 唔知係咪飯氣攻心, 眼訓死了, 最後都係搭車番屋企 -- 湊B.

今年的生日平淡, 但充實.


27/10/2012

呢日係好友 -- Sinta 的正日生日.

大家一齊係我老公屋企度搞左個BBQ 為佢慶生.

當日, 好多朋友仔都有份出席, 就連番工的都收左工入埋黎.

好熱鬧呀.

咁熱鬧的日子, 又點少得Yin B呢~

佢個日簡直迷死女, 個個都爭住抱.哈哈

大合照 (好明顯, 我係企錯位置影相, 將我的下身缺點完全表露無遺 >///<)

29/10/2012

Lunch Time ~ 又係食生日飯.

今次就同老闆 & 同事 Jennie一齊食日本鐵板燒.

第二次去食, 價錢好似無加到, 但材料一定少左!!!! (呢句好似有d多餘)

好在水準都仲keep到.


晚上...仲係食生日飯...

今次係同屋企人食

因為我買衫仔俾Yin B買到唔知時間,

最後, 就揀左快靚正的"Euro go go" 開餐!!! 

雖然元朗廣場都有分店, 不過個人認為都係屯市呢間最好味 ^^

最後, 仲要係 milkissimo 買左杯雪糕做甜品.

眼寬肚窄, 食左一半就收曬皮...XDDD



~~~~~~~~~~~~~~~~~~~~~~~~~~~~~~~~    終於打完 ~~~~~~~~~~~~~~~~~~~~~~~~~~~~~~~~~~~~~~


當我仲懷念緊忙碌又開心的10月的時候, 今日已經係11月的last day啦.

希望, 我可以有毅力寫埋之後每個月的小雜記啦..哈哈

記得支持呀 ~