生活 ~ Yin Ba BD Lunch Buffet

Happy Birthday to My Honey / Yin Ba 

上星期係Yin Ba 生日week~

新曆舊曆一齊黎, 兩日連住黎生日

身為人妻的我, 點都要表示下既~

上年送左Yin B 呢個大禮物俾佢,

今年就速遞左一箱零食去佢公司 & 男人的都愛的玩具>>>相機,

最後再加個BD Lunch Buffet ~

算係唔話得啦~


King Ludwig Beerhall (按入睇詳情)

我book的係元朗洪水橋"德國餐廳"

地方大, 除左有outdoor & indoor 場地,

一入門口就係一大個空地,

最岩小朋友玩耍~

Lunch Buffet 係由11:00am ~ 4:30pm (只限假日)

我地去到岩岩好係Yin B開餐時間~

今次我地帶左私家飯 >> 生菜牛肉飯

同場仲有一個大個Yin B 4個月的B 女 >> 嵐嵐

佢就係度食緊佢的私家粥 ^^

兩個 BB 食飽飽就開始搗蛋啦~

佢地一見到包濕紙巾就起勢地撕 


好在有Kaite契媽呢個半熟手湊仔技工,

我同Yin Ba都可以休息下~ 

食到咁上下, 我地就湊Yin B出去空地玩下~

順便消耗下卡路里

男仔行路係豪邁d 啦~仲要擘大個口

女仔就斯文得多啦~

嵐嵐好小心咁拖住媽咪的手行

一出到去有個迷你旋轉木馬~

可惜只供觀賞不設玩樂 = =''

無得玩唯有坐上去影下相囉~

不過Yin B 對唔郁的玩具似乎無咩興趣 (你睇下佢個表情)

之後黎個"直立左"拱橋 @@"

Yuki Auntie : Yin B~鏡頭係呢邊呀~

Yin B : 我係度扮緊白馬王子呀 XD


扮完白馬王子~

就帶佢出去空地度散下步~

不過識行無耐的Yin B 完全當左自己係馬拉松跑手,

多次企圖fing開我個手想跑出去~

以為捉番實佢, 

點知轉頭佢竟然扮演"足球小將">>>追波

因為同場有個幾歲大的哥哥係度玩拋波,

個波拋邊, Yin B 就追到邊.

不過個哥哥似乎唔多like Yin B 追佢個波, 

一見到Yin B 追埋黎, 佢就再將波拋去另一邊.

點知個哥哥突然失手, 個波拋左去Yin B 面前

Yin B 二話不說, 即刻坐低去執波

個哥哥眼見自己的波就快俾Yin B 霸佔, 

扁晒嘴撲番去佢媽咪度.

我都好識時務企圖拉走Yin B,

不過佢誓死要同我反抗...

最後都俾佢執到個波 ....但3秒後即掉 = =" (果然係3"秒"鐘熱度)

追完波番入去, 

Katie 契媽拎左佢副黑超俾Yin B 玩 ~ 

呢張真係影得好正(比我之前影的仲入型入格)

 
Btw~ 其實Yin B 只係 like 除人地戴住的眼鏡, 真實的佢係唔like戴眼鏡咖


講左咁耐, 主角Yin Ba好似無咩點出場呢~

連佢自己都大叫俾個仔搶晒鏡

好啦好啦~ 送番個 BD cake呵番

Yin B :  有得睇無得食  

Yin Ma : 明年就有啦 

最後奉上一家3口照