吉針針@健康院

 首圖 : 每次一去到健康院, Yin B 就唧都唔笑..= =''

上星期六,  Yin B 番去健康院吉針針啦~

因為星期六健康院開半日, 黎既人唔多, d姑娘都好快手 (其實係....你地明啦!!)

磅重 : 10.3kg (都仲係大隻仔一名)

度高 : 遲下要買番把身高牆貼度左先知

等見姑娘期間, 隔離一位EE正大大啖食蛋撻,

Yin B 見到就大大啖吞口水, (想講..你出門前明明飲左7安奶咖, 邊得黎咁肚餓呀= =)

好在我早有準備, 拿拿林拎左個提子包塞住佢把口先. 

食左幾啖, 就被叫名見姑娘嚕.

問問題時間 : 

姑娘 : 幾餐奶幾餐粥? <3餐奶(7am/7安, 4pm & 11pm / 4安), 2餐粥 (每餐 1個大人碗份量再多d) >

姑娘 : 佢一歲仔, 可以食爛飯仔啦, 夜晚餐奶都要戎埋去啦!  <不過佢得兩隻牙仔咋>

姑娘 : 放心啦, 佢食到咖~ 慢慢黎就得啦~仲有佢既的食飯時間開始要同大人一樣! <明白, 我地番去試下先>

姑娘 : 識左/右手拎野食? <識 (即場示範拎星星餅)> / 識行? <識, 可放手行4-5步> / 識著衫/除衫時遞定手? <識>

基本Yin B 的發展都算達標, 不過 睇心情先黎byebye / 自己拎餐具進食/ 用水杯飲水...就有待日後加強學習

打針: 

今次番去Yin B 只係打肺炎鏈球, 因為我同Yin Ba決定帶佢出去打MMRV (四痘混合).

雖然打一支, 不過我都聽田鼠媽話帶左私伙星星餅, 再加Yin B 的愛人(奶嘴),

打完, 喊一喊, 食一食, 啜一啜, 之後就zzzzzZZZZZ


Btw~ 今日 (28/3/2013) 我就會帶Yin B出去打MMRV...要去準備星星餅啦!!!