成長~飲食時間表(NEW)

6:00 - 7:00 :  奶 (200ml, 惠氐3號)

12:00 : 粥 / 飯 一大碗 (請情如下)

17:00 - 18:00 : 生果(蘋果/ 橙半個) / 麵包

20:00 : 粥 / 飯 一大碗 (請情如下)

22:00 : 零食 (無定時, 隨意就可, 請情如下)

23:30 : 奶 (100ml, 惠氐3號)

以上係Yin B最新的飲食時間表


話說上個月帶Yin B 番健康院吉針兼見下姑娘跟進下佢既發肓進展,
當其時姑娘就係咁話Yin B 食得飯仔啦!

老實講, 我唔係唔想俾佢食...

而係因為到依家就黎13個月啦..Yin B都仲係出得下面個2隻牙仔..

雖然婆婆成日話遲出仲好, 無咁易蛀牙 (啦~我媽咁講應該係無咩科學根據既 = = ")

不過我都係日日係咁望住佢把口...睇下幾時有新牙仔出.


擔心還擔心, 姑娘出到聲, 我地都要試住黎做既.

所以去完健康院當晚, 我地就煮左飯仔俾Yin B食!



左至右 : 生菜牛肉飯 / 南瓜魚肉蛋飯/ 菠菜豬肉飯 
以上就係呢段日子, 我地俾Yin B 食的 Lunch & Dinner~

其實材料同佢之前粥仔相差無幾,

不過對爺爺黎講就方便得多,

唔使成日睇火煲粥.

(無錯, 我老爺真係好有心機咖, 特登買左個"瓦煲"煲粥俾Yin B食)

始終Yin B 都係得個2隻牙仔, 飯一定要爛d~

我地就會另外蒸飯俾佢食.

呢個煲本黎係我pat pat 痕買黎係公司烚菜當lunch減肥用既

荒廢左一段時間, 最後都係拎番屋企用. (P.S. 我真係有用過咖)

Size 係我一個手掌咁大~

左邊就係用黎蒸飯的兜兜, 岩岩好擺得落個煲^^

當然唔係一定要特登再買多個煲煮飯俾BB食既,

用電飯煲擺係蒸架度蒸都ok咖, 我地只係有多個煲用得唔好晒~


至於飯仔爛的程度就無一定的準則, 始終個個BB都唔同~

Yin B 就唔多like太爛的飯仔, 有次我俾多左水煮..佢食左幾啖就拎歪面 = =''

仲有咩都要慢慢黎, 唔好一次轉食飯仔後就唔食粥..佢地都要時間適應既.

Yin B 最近因為感冒病左, 胃口無咁好, 我地都煲番粥仔俾佢食,

即使平日無事, 都係一星期2-3日全日食飯仔.


講完正餐, 就同大家分享下Yin B的零食吧 (都可以話係媽媽我的零食)

麵包超人餅乾~

有次經過阿信屋, 見到寫明係岩一歲BB食, 加上係媽咪級至like既的公仔>>>麵包超人

諗都無諗就買嚕^^

味道同瑪莉餅差唔多, size同普通餅乾一樣, 所以俾BB食時要整細d..


星星餅~

相信係每個媽媽必備的BB零食 ^^

Ice-Cream~

呢隻雪糕係我同Yin B近期的至愛, (個人5星推介哈密瓜味)

至於幾時俾雪糕BB食, 都係無一定的準則既.

我個人認為只要唔係咩易敏感的野食, 一歲仔BB間中食無妨.

而且係零食, 少食多滋味.

有時見到BB食得開心, 我地都開心^^