淘寶~嬰兒安全用品

Yin B 識行就快大半年, 

佢係屋企跌倒撞損的次數就多到呢.....

呢2個月算係跌得最多同最甘既..

坦白講, 佢整親邊度我都會心痛, 但有時都要睇開一點,

畢竟呢d係佢地必經階段 (我地細個有邊個未跌過呀), 

即使有時自己睇到實一實, 都會有出錯的時候. 

所以屋企人睇住Yin B 都出事時, 我都係心裡嬲幾下, 然後就走去拎藥油算~

~門欄~ (連結按此)

起初我幾驚size唔岩, 因為自己大意度錯左寬度~

好在最後都good fit~

出入都好方便, 連62都大讚~

裝左佢後, 就可以由Yin B係度行黎行去都無咁驚驚 (有次我見Yin B企係樓梯邊度向下望..嚇C我呀)

~床欄~(連結按此)

由細開始, Yin B 訓BB床都唔係訓得好好,

晚晚都會喊醒, 起初我同99都認為大大下就會好d~

事實證明我地係錯既~

最後係Yin B 11個月大後就同99一齊訓大床, 平日就同99訓, 假日就同我訓~ 

62就慘囉~依家做左廳長~

為左報答佢, 我同Yin Ba買左張好正既的床墊俾佢....

假日佢訓番自己張床竟然仲話無張床墊咁好訓

床欄我係上星期先買既, 因為Yin B訓果邊, 一向都有張BB床頂住, 基本上都無問題~

不過早排有日早上, 99驚見Yin B下半身訓落去床邊, 個頭就仲係床度~

嚇到99死死下~最後係BB床的碌壞左, 頂唔住滑開左去~

我即刻訂埋床欄番黎~依家安全晒!!!

因為99張大床係兩邊都無野擋, 所以我總共買左兩個床欄~

床尾就無裝, 方便上落床~

~地墊~(連結按此)

因為我用集運買開野, 順便就買埋呢個番黎, 其實HK好多地方都有得賣~

邊個話地墊一定用係地下既~鋪牆都可以咖~(當然make sure你張牆可唔可以鋪先,我地牆身係牆紙, 所以就無問題)

因為假日Yin B就會同我訓, 我房的大床有一邊係靠牆既~

本黎就好安全既, 不過Yin B 平時好鐘意企係床度玩我的Chip & Dale公仔(如下圖)

玩得開心時就會頭仔撞埋牆去...= ='''

夜晚訓覺時佢又好鐘意將個頭仔有咁埋就痴咁埋去牆角, 有時碌幾碌又"砰"撞到頭仔...

最後買埋個地墊墊住, 又安全晒~

起初我擔心d圖案會好易甩出黎~好在都幾實, Yin B要出力用手指仔先撩到出黎

Yin Ba 仲話買呢種Yin B 仲可以玩下~睇下佢又真係玩得幾開心喔~

(**不過如果你買黎係鋪地用既, 就真係唔好揀呢款, 因為好多mama都話BB係度尿尿左, 清潔好麻煩咖XD**)

(注: 網上購物有存在的風險, 請根據個人需求而購買)