慶祝~8週年紀念

我同Yin Ba的8週年紀念日,

本黎都唔打算特別慶祝既~

事關呢排我忙到痴膠花,

先係上月底Y-Blog宣佈折埋, 

搬Blog執相都搞到我死死吓,雖然我出品唔多,不過都搬到嘔心瀝血

好在依家事情明朗左好多,

唔少媽媽Blog友圖文並茂教學(特別嗚謝肚B媽,小檬媽,大爺媽...)

仲有要忙就係下個的韓國自由行,

依家Plan行程真係苦過弟弟呀....(我一見到XO文字就頭都大晒!!!)

辛苦還辛苦,

8週年,點都要簡單食餐飯慶祝既~XD

星期六我地就去左呢間朋友仔介紹的西餐廳食Lunch~

佢係Sogo附近,MTR B 出口就最近, 超易搵~

但我同Yin Ba最後都行錯路..

因為係樓上舖, 地方唔算太大,

不過環境氣氛都唔錯, 最重要係店員超好人..(之後會講解)

佢一見我湊住Yin B, 坐低就即時俾左一杯暖水同BB餐具俾我..

我個人特別欣賞識take care BB 的餐廳 ^^

野食方面, 我同Yin Ba都好滿意~

呢塊西冷牛扒好得Yin Ba歡心 (佢係牛魔王黎咖XD)

講到食野又點少得Yin B呀~

我食緊沙律時, 佢已經眼定定啦^0^

見我食左咁耐都唔喂佢, 就扁晒嘴

最後我俾左d意粉佢食...佢先肯肯乖乖地~

食飽飽,就影下相..

再一次要稱下讚d店員,因為影大合照時,

Yin B 超唔合作!!!

呢張係佢地一個揸機, 一個拎住玩具係咁引Yin B 好辛苦先影到咖~

母子合照...(我塊面好大呀T.T)

唔知幾時開始, 呢個人仔鐘意左搭lift..

我同Yin Ba都仲未埋單走人,佢就跟左岩岩放lunch time的店員姐姐走..去搭lift

要人地抱住佢禁lift, 禁完仲死都唔肯俾人放低..

(btw~當日呢個店員姐姐唔止好好人, 

仲好靚女咖,Yin B果然識揀)

食完野去左一轉Sogo就去埋Ikea同Yin B 放電 ^^

果然有放, 之後一上巴士Yin B就瞓到死豬咁~haha

夜晚,我地番左婆婆屋企度食飯飯~

可能出左成日街,呢晚佢喊醒左好幾次, 仲要好大聲T.T(又係成家無覺好瞓)

之後都係跟99瞓先無事..

最後送多張當日型仔look! (佢硬係唔俾我影佢正面相 = =")