有媽咪問起戎片方法,
就簡單同大家分享下啦!
**以下只為個人意見分享,無一定的準則.
請各位媽咪因應自己小朋友去教導哦**
1.夏天戎片:天氣熱係小朋友最好的戎片時間.
依家天氣越黎越熱,大人著多一條褲都辛苦啦~
更何況係小朋友仲要包住一塊厚尿片.
2.由屋企開始:Yin B係上年3-4月時就開始無係屋企著片.
俾佢習慣無著片的舒服感.
仲有就係定時問佢去唔去廁所.
eg:食飯前/後, 飲完大量水後,
基本每小時(短則半小時)就問佢去唔去.
當有左個時間習慣,佢地就會慢慢知道幾時要去廁所.
同樣問佢去唔去廁所的時間亦可相應加長.
**呢PART係最需時間同耐性,媽咪們要加油哦**
3.留意小反應: 有時Yin B急起時會打下尿震,
咁就要即刻帶佢去廁所.
又或者佢自動行去廁所時我地都會問佢係咪要去,
無走開就會同佢去.
至於Poo Poo,我地由佢細細時開始佢Poo Poo時,
我地就"唔..唔"咁叫,
可能因為咁佢一想Poo Poo都會"唔唔"咁叫同谷紅塊面,
我地就知佢要去Poo Poo啦~
最明顯當然就放屁啦~Yin B全日未去Poo Poo時,
放屁特別多咖XDD
4.BB專用廁板/廁所:我兩樣都有買,
但奶奶堅持要Yin B坐廁板,
一黎易俾佢認識真正坐廁所感覺,
二黎清潔方便.
我個人感覺廁板係好用d,因為BB廁所Yin B會當係玩具咁玩,
又試過坐幾下未poo poo就走左去><"
**但每個小朋友意願都唔同,如果佢唔喜歡坐廁板就唔好勉強啦**
5.不要責罵: 一開始一定唔會咁順利~
我地屋企不論床單,梳發,地墊通通都有Yin B的尿跡XDD
咁既情況我地會同佢講"你瀨尿尿呀~醜醜呀~下次要話俾我地知去廁板啦!"
語氣唔可以重,純粹講笑形式俾佢知道做錯野就可以.
當然佢成功話俾你知去廁所,就要讚佢叻叻同獎勵下佢~
老公同奶奶果時最鐘意係Yin B做岩左俾餅餅佢食.
就以上簡單分享囉~
再有唔明可以留言問^0^
依家天氣越黎越熱,大人著多一條褲都辛苦啦~
更何況係小朋友仲要包住一塊厚尿片.
2.由屋企開始:Yin B係上年3-4月時就開始無係屋企著片.
俾佢習慣無著片的舒服感.
仲有就係定時問佢去唔去廁所.
eg:食飯前/後, 飲完大量水後,
基本每小時(短則半小時)就問佢去唔去.
當有左個時間習慣,佢地就會慢慢知道幾時要去廁所.
同樣問佢去唔去廁所的時間亦可相應加長.
**呢PART係最需時間同耐性,媽咪們要加油哦**
3.留意小反應: 有時Yin B急起時會打下尿震,
咁就要即刻帶佢去廁所.
又或者佢自動行去廁所時我地都會問佢係咪要去,
無走開就會同佢去.
至於Poo Poo,我地由佢細細時開始佢Poo Poo時,
我地就"唔..唔"咁叫,
可能因為咁佢一想Poo Poo都會"唔唔"咁叫同谷紅塊面,
我地就知佢要去Poo Poo啦~
最明顯當然就放屁啦~Yin B全日未去Poo Poo時,
放屁特別多咖XDD
4.BB專用廁板/廁所:我兩樣都有買,
但奶奶堅持要Yin B坐廁板,
一黎易俾佢認識真正坐廁所感覺,
二黎清潔方便.
我個人感覺廁板係好用d,因為BB廁所Yin B會當係玩具咁玩,
又試過坐幾下未poo poo就走左去><"
**但每個小朋友意願都唔同,如果佢唔喜歡坐廁板就唔好勉強啦**
5.不要責罵: 一開始一定唔會咁順利~
我地屋企不論床單,梳發,地墊通通都有Yin B的尿跡XDD
咁既情況我地會同佢講"你瀨尿尿呀~醜醜呀~下次要話俾我地知去廁板啦!"
語氣唔可以重,純粹講笑形式俾佢知道做錯野就可以.
當然佢成功話俾你知去廁所,就要讚佢叻叻同獎勵下佢~
老公同奶奶果時最鐘意係Yin B做岩左俾餅餅佢食.
就以上簡單分享囉~
再有唔明可以留言問^0^
good sharing! 呢個weekend等我都試下唔洗佢著片片, 解放下佢先
回覆刪除加油呀^0^
刪除我都係中意用廁板多D，所以完全無買小朋友座廁，同埋真係吾知點清潔好....
回覆刪除廁板真係好d~Yin B坐慣後,我地2個月前就開始埋教佢企係度尿尿啦~
刪除如果用BB廁所就真係難d了..XDD
我上個月都解放咗燒腩仔一排，但呢隻仔我睇住佢搞JJ明係急，佢都死唔肯跟我哋去廁所痾，結果就地賴仲玩D尿添，你點話醜佢都當無嘢，呢樣係我最頭痛呀﹗唯一係poo poo因為由細train到大，宜家識得同我哋講，都好少出事賴係片啦﹗
回覆刪除哈哈~唔怕話你知,有次Yin B都係咁,瀨左仲用腳踩d尿尿..
刪除果時佢都戎左片有一排啦~奶奶仲要岩岩抹完地,之前都問左佢去唔去,
瀨都算了仲係度玩,最後奶奶除褲打左佢PatPat...果次後佢就無再瀨過啦~
但責罵呢樣野真係好睇時機,因為有d BB真係俾人話完之後就次次都驚同
瀨尿,所以好睇媽媽點去決定~唯有自己留意多d啦~加油呀!
多谢分享呀！
回覆刪除復活節假同一仔試了兩三個星期，佢一次都唔肯坐bb廁所，用廁板又扁咀，用一下就走，走了之后痾濕了条戒片褲又唔出声。。。我地無鬧佢，但見佢戒片戒到好似唔係咁开心，佢又未識示意到去v v，我估可能未係時候，等7月再試。
其實都唔算係咩分享既~幫到一仔媽你地就好啦~
刪除最初Yin B坐廁板都有反抗咖~由其去poo poo時,一見到我地拎塊廁板就
喊晒口咁,之後我地拎開抱佢直接坐大人廁板,佢又無野..不過就坐得辛苦
d囉~我地會反轉佢身俾佢坐,咁佢唔會咁易滑落去,仲有就係俾佢見到自己
尿尿,同佢講咁樣去尿尿先岩呀~之後俾佢自己沖埋廁,再讚佢叻叻~慢慢
再用番廁板時Yin B就無再抗拒!
直接反轉身用大人廁板>下次試下先，Thx^o^
刪除我呢幾日都開始無俾小b著片片, 不過佢就係死都唔肯講去廁所, 次次都係痾完先出聲, 定時定候叫佢, 佢就次次都總係話無, 但一離開個廁所就即刻痾, 激到我暈...不過我都知戒片係需要耐性嘅~
回覆刪除耐性真係好緊要~始終每個小朋友都唔同~媽媽加油呀^^
刪除如果肚B未識示意，係咪未試得呀啦？平時奶奶朝早會叫肚B坐下痰罐架，不過都冇vv
回覆刪除要佢地主動示意去v v 係佢習慣左知道要去先識.我地要做左令佢知道急時要去
刪除廁所的習慣,所以定時叫佢去廁所係好重要!只要佢地唔係反抗你拖佢去廁所就OK~當然唔一定次次都有得v既..如果有就可以讚下佢叻叻..慢慢佢地就會知道同
有呢個習慣啦~
龍BB未開始介片，平時叫佢講vv或者poo poo又吾肯，所以都係等佢ready肯講先介……
回覆刪除