♫ Happy25, 26 Month ♪

終於有時間更新啦~

呢個月頭掛住同Yin Ba慶祝生日...

完全忘記左更新Yin B的近況^0^

25Month:

係上個月復活節假，

我地全家連同Yin B番老公的鄉下--江門探親.

未出發前我一直都好擔心Yin B到時習唔習慣，

因為今次係佢出世以黎第一次遠行@@"

呢個人仔第一次搭船開初都有d唔慣，

加上開船頭15分鐘都好大浪，拋吓拋吓～

我都暈暈地咁～Yin B即時攬到我實一實。。

好在之後都無事,仲係咁周圍坐無時停。

我老爺本身都係大家族,親戚多到我都唔知邊個打邊個><"

親戚輩份更加係估你唔到~

上圖左邊果個係細Yin B 半年既＂表叔"～

我老公Yin Ba先係同佢同輩份(哈哈）

不過輩份對小朋友黎講都唔係太重要，

最重要係玩得埋，玩得開心。

Yin B更一改平時臭寸的脾氣，

大派香吻(我同Yin Ba在場係咁大叫unbelievable!!!)

@19/4/2014

呢張係酒店房影既～my favour

由頭到腳指都好有戲呀XDDD

26Month :

跟住就係公布一個最大的好消息>>>

Yin B戎片同奶樽成功啦!!!!（希望可以快d戎埋奶嘴啦!）

之前一直都有講過Yin B算係半戎片啦~

點知上個月去完江門探親番黎後，

佢又再講多好多野,最叻就係識講去＂廁所＂。

依家係屋企我地都無再刻意問佢去唔去廁所，

都係佢自己急果時就會大叫＂廁所～廁所＂。

然後就自己行去廁所^0^

晚上都唔使著片訓呀!!!

奶奶話佢通常訓到兩三點會自己突然坐起身，

拍醒奶奶叫去廁所。

雖然我唔佢幾時會戎埋去夜尿，

但媽媽我已經好開心啦～

而奶樽就係有日佢自己拎開唔飲，

奶奶喂佢飲都無用.

之後轉左用吸管杯黎飲就一分鐘飲晒!

其實Yin B依家都識用杯飲奶咖,

不過有時分心睇電視就會飲到瀉晒= ="

遲下應該好快可以戎埋吸管杯XDDD

食飯方面大大吓就差左好多啦~

上個月開始餐餐食飯都扭果樣扭呢樣><"

一話佢就眼淚鼻水一齊黎= ="

早排仲一食就吐番出黎,

同佢講道理佢又唔聽,唯有硬食打手板啦~

點知就搞到我老爺同Yin Ba第一次開世紀大戰!!

唉~依家教小朋友真係一代比一代辛苦咖!!

講野方面叻左好多啦~

雖然都仲係有好多無理頭的外星話.

男仔嘛~係要俾多d時間佢既~

有次經過書店見到呢本圖畫幾得意,

買左番去俾Yin B睇(其實應該買有真實物品圖畫會好d)~

新屎坑點都有三日香既~

第一晚睇左成個幾鐘XDD

最鍾意就係讀佢既至愛>>升降機,

成晚係咁lif lift lift個唔停~

我諗就黎屋企要起個升降機佢先安樂啦XDDD