中山2日1夜遊

岩岩7.1的3日連假, 終於可以離開熱辣辣的香港去玩下嚕~(其實中山一樣熱到C)

今次報左團去中山玩, 行程都算唔錯!


8:15am <出發啦!> (係咪好有型呢XDD)

可惜...發生左件小插曲影響左個行程..鳴鳴..(最後先講...唔係我真係無心機寫落去)



1:30pm 第一站 <長江水世界>

鐘意玩水既人都會喜歡, 雖然Yin B年紀身高好多玩水區都有限制,

慶幸個嬉水池同人造浪池都玩足我地3個幾鐘..



7:00pm 第二站<阜沙國貿逸豪酒店餐廳晚餐+休息> 上圖係Yin B係酒店的性感嘟嘴樣 ^0^

晚餐係"韓式自助燒烤餐", 根據我過往經驗, 呢d咁隔涉的酒店餐廳的食物千祈唔好有期望.

如果唔係導遊點同你推銷宵夜<土匪雞>



10:00pm 呢隻雞仔就要80人仔啦, 想當年都係3-40左右, 真係物價高漲囉!

老公同Yin B都係食雞皇, 我地一口氣就訂左2隻黎送杯麵, 食完真係大滿足!

第二日<7.2號>

8:30am <早餐>  今次係酒店的另一間中餐廳

估唔到出奇好食同好豐富(皮蛋瘦肉粥/烚蛋/蕃薯/豆漿/油條/饅頭/生菜包/腸粉/桂花糕/生菜..)

係咪聽到都好飽呢~XDD

食完就番房休息一陣~

11:00am 出發去<午餐>

下一站都係食, 都係果句無期望就唔會失望, 食物都唔錯!!

1:00pm <動物園參觀>

其實呢個動物園係中山一個好大的公園裡面既(唔記得咩名)

到左公園仲要租車坐去動物園, 如果唔係咁熱天時行20分鐘先到真係想C..



我地聽導遊介紹, 入動物園第一時間去左睇"海獅表演"

好唔好睇?? Yin B坐低無耐就話:要去海洋公園睇, 唔睇呢個= ="..

睇完就再行下睇下其他動物:

我見到佢地都覺得好熱好熱...仲有d老虎直頭係攬住張石櫈係度瞓!


白孔雀

梅花鹿


甩毛鴕鳥 (影緊時佢係咁目露凶光)

係鴕鳥同梅花鹿隔離仲有2隻大黑熊同野狼...

唔知點解我好擔心隻鹿仔咁>~<



仲有近距離喂孔雀

我估唔到真係咁近咖...早知既話就唔入去...因為我好怕有禽流感> <

無奈Yin B又喂得好開心...

之後又雞又鴨..白鴿, 鶴..完全係大集會....= =""

喂完我地馬上走人...



3:00pm 出發去下一站參觀<中山咀香園杏仁餅製作坊>

聽導遊講中山先係始祖, 歷史呢樣野我就唔識去考究啦@@


成個參觀(其實就係叫你買餅)30分鐘左右,

我地無收穫, 就唯有係度玩整餅, 有個樣整個樣~哈哈~

最後4:45pm 回程番深圳, 我地8:45pm 先番到屋企 (成個人都散晒)

*********************************************************

好啦~講番個小插曲, 就係我竟然無帶到Yin B的passport!!!!!!!!!!!!!!!

出發前一晚我執證件時, 我就問打緊機的老公, 要唔要帶Yin B的passport,

佢好快就答: 唔使啦~番大陸咋!!(注:Yin B 2 歲時已番過大陸) 而當時的我又竟然信左佢....

結果係點....大家都估到啦~(白白用多6百幾自行搭車去長江水世界T.T)

呢個教訓話我知, 以後絕對唔可以再係老公打機時問問題!!!

消失了455天

so long time no see~

最近番睇對上篇Blog文....已經係上年的3月了....= ="

而Yin B的成長日誌仲停係佢3歲時...哈哈~我真係太懶啦!

本身都諗寫唔寫好~因為唔知由邊度寫起~

*****************************************
工作 :

2014年我工作了6年的公司執左, 算係結束左我10年船運的職業生涯.

(船運依家有幾難做, 相信同行的都應該知道....最後我決定轉行了..)

上年7月搵到依家呢份算係穩定的文員工作-Receptionist,

無他既, 收工準時嘛, 對我呢d有小朋友的師奶仔準時收工真係好重要咖XDD

係搵少左, 但我想在Yin B 呢幾年陪佢多d...(做媽媽的你應該會明既)



家庭:

呢一年家裡最大件事就係我奶奶做了割腎石手術, 我就停搵工大半年去湊B.

慶幸手術成功奶奶身體都康復得很好, 亦因為咁令我地更加注意身體健康!


Yin B:

至於Yin B依家都唔係BB囉, 番左學個人大個左好多!

依家把口成日無時停, 可能係遺傳吧..佢講野同我一樣都係大聲公(老公成日話我地兩個XDD)

管教方面, 佢都仲算係聽教聽話既~

不過唔知幾時開始, 佢總會打人小報告, 有時我地做錯野, 講錯野...

佢就成個金手指話"媽咪你錯啦, 爸爸你錯啦...."(換左係佢, 佢就唔出聲走左去= =")

俾番佢d近照睇下啦~

<食芝麻糊>


<扮大隻--手瓜起展>



<學單車的chock樣>



<上泳班的喵嘴樣>



<上年生日第4個蛋糕 --佢的眼中只有蛋糕蛋糕蛋糕蛋糕>

好啦~寫住咁多先嚕~

My first Candy Corner

上個星期,終於順利完成左我第一個Candy Corner~ 

多得朋友仔的信任, 我先可以有咁既機會去試下~ 

當然之前我都花左唔少時間同精神去準備.  

雖然講唔上完美, 但得到唔少賓客同朋友的稱讚, 我已經好心滿意足~ 

如果對Candy Corner有興趣的sister,可以電郵給我! (sandychan1984@gmail.com) 

**我只係師奶仔一名,希望儘我所能幫到你地啦**

♫ Happy 30 Month ♪

上星期(19/9)Yin B 2歲半大啦~

之前太多野忙,

miss左好多佢既成長紀錄><"

呢4個月佢學識好多野,但我都忘記晒時間..

好啦~好啦~下次再勤力d記低啦~

先講身高,

自從無番健康院檢查後,

我就無真正幫Yin B 度身高.

加上之前買既Thomas身高貼,黏左埋牆都無一星期就甩左,

就更加忘記左!!

直至最近pat pat痕淘左上面呢個,

一度Yin B 92cm啦~@@"

唔怪得佢成日俾人問係咪3歲啦~

睇黎佢仲可以食野坐車唔使俾錢既時間就黎無啦~鳴鳴~

食野方面,

除左食佢既自愛(月餅/茶點)先會好似上圖咁乖坐定定係度,

仲自己"不"黎食!

其餘時間都係我地追住黎喂佢><""

多得我老公啦~因為1個月前Yin B開始唔肯坐佢BB椅,

老公就話由佢自己坐係我地大人食飯椅度.

一坐成個人都矮左落去,

"不"唔到飯自己食,

仲無野困住佢,食幾啖就走左去..

依家我次次抱Yin B番BB椅坐,

佢就係咁叫"唔坐!唔坐!"

出街食野仲勁,一見到BB椅坐都未坐,

就係咁叫去廁所,去完死死氣地坐一陣,

之後又話"痾臭臭"...(第一次我都信佢咖,之後次次都係咁就知佢玩野!)

依家出去食野真係想坐得舒服d都難~

講野方面:

識講要去大小便(都有一段時間),

依家Poo Poo時,痾左就會話"舒服晒!"

"唔..唔..好臭"(有埋表情同動作咖XDD)

"痾完..痾完..爸爸..抹pat pat"

依家識講"唔"字後,

成日一唔老皮就講"唔食, 唔玩, 唔沖(沖涼),唔坐(BB椅)..."

仲有"我"字,

成日鐘意玩開門關門既佢,

一見我地開房門/櫃門/水龍頭,

佢就係度要"我開"/"我關".

有時幫佢關左門,佢就會發脾四係都要開番黎俾佢關番先得!!

仲有呢排一見M記廣告就係咁叫"我要食,麥當勞"

or "爸爸,買麥當勞"

(媽媽我:思疑老公之前係咪成日都買薯條俾Yin B食"??

唔係點解成日叫爸爸買!??) 

其他:

見到唔同動物就會扮佢地叫聲~

開始見人會主動say hi/say bye~

顏色英文(中文間中先會講下)

1-20中文&英文(有時數到11就到左15~哈哈)

A-Z(大細楷都識)

問問題:

eg:今日乖唔乖? Yin B:乖

今日曳唔曳? Yin B:曳 

凍唔凍? Yin B:凍

 之後再問熱唔熱? Yin B:熱 (= =")

一見我地擦藥油/藥膏,就係咁叫"好痛痛"

之後指住自己咩事都無既手腳又話"好痛痛".

直到我地扮野幫佢擦埋一份,佢先收聲!

除左仲係跟口水尾先講到自己名同幾多歲,

Yin B依家講野我都認為問題不大.

上個月番健康院覆檢語言進度,我都無帶佢番去嚕!

活動:

之前唔鐘意俾我影相既Yin B,

自從有日我同佢講"我地自拍",

依家一見電話就講"影相~影相".

仲好多表情咖~

開始早晚刷牙都有4個月啦~

但我仲未用牙膏住~怕Yin B會吞落肚..

(有無咩BB牙膏好介紹??!)

識鍚鍚同嘴嘴XDD

分別就係前者佢只會擺個面珠埋你度俾你鍚,

後者就係佢會嘴對嘴鍚埋黎(所以出街見到熟人我只會講鍚鍚咋)

健康:

中秋節既後遺症,

食得多月餅糖果,上星期開始咳依家仲有痰呀><"

睇左醫生,希望快d好番啦~

最最最最最最令我頭痛既野>>>戎奶嘴!!

雖然只係訓覺先食,但2歲半人仔仲係咁~

好醜怪囉~

屋企人到時幾時先可以一齊狠心同佢戎呀~(煩躁###)

成長~開心過中秋^^

今年既中秋真係大人細路都玩得好開心~

起初仲擔心夜晚落大雨會好掃興,

結果天文台又例牌失準,

我地一家先玩得咁開心~哇哈哈XDDD

當日我地特意早食飯可以早d出去賞月~

第一站去左天水圍公園,

行左一個圈,買左一個玩2次就壞左既螢光彈弓竹蜻蜓= ="

食極都唔飽既Yin B 一見到雪櫃攤檔,

就係咁拖我埋去話"呢邊..呢邊..", 最後梗係得逞啦~

趁時間仲早,最後我地都番左屋企村公所既公園仔玩~

點知仲熱鬧又多野玩~

呢個小型煙花棒,媽媽(我)細個時真係玩唔少~

依家就真係買少見少啦~

不過Yin B既興趣就不大,

梗係啦~佢既興趣係食嘛XD

村公所有好幾家人BBQ,

佢就係咁昅住人地d可樂汽水= ="(失禮C人囉)

之後真係俾佢拎到罐可樂,

諗住俾佢飲幾啖就同佢去玩..

點知轉頭我地玩緊時,佢就成日靜雞雞行埋去飲幾啖!!

當晚既重頭戲>>孔明燈

放就犯法啦~我地唯有欣賞算啦~

呢個人仔一見到孔明燈係咁大大聲講"燈籠~燈籠~bye bye"

最後仲補多句"趺趺..."(因為之前有一盞孔明燈昇左又趺番,我地講左一句"趺啦",

Yin B就跟左口水尾啦~哈哈)

之後有個哥哥借左部滑板車俾我地玩~

佢地兩仔爺玩唔停~

玩到最後小朋友突然走晒,

我地先知已經12點~呵呵~

最後拿拿林同Yin B講番去食月餅佢先肯走~

今年玩得好開心~希望明天繼續XDD

成長~沒有上N班的日子

9月都過左一個星期,

陸續係FB睇到好多龍B番學既情況,

BB例牌大喊,媽媽就日日擔心~

不過呢個情況我同Yin B就要明年今日先開始.

事關我一直都無意欲要佢早讀一年書,

所以一開始都無同佢報過N班.

無番N班,多少都會俾人比較.

最記得係上年係Playhouse見到2個媽咪,

迎面就問我N班面試未,小朋友表現如何...

我之後一句"我無諗住同佢赧N班喔"回應佢地.

跟住佢地就即刻變臉唔同我傾計...= ="

有時見到朋友仔亦會講起"早番學可以學多d野"..

直到後期番健康院見姑娘,Yin B講野跟唔上進度..

老公就開始擔心..又話如果報N班俾佢係咪好好多...

成長~超級"鄭多燕迷"

之前都Post過Yin B同我一齊跳鄭多燕的短片~

唔知因為果時媽媽我好勤力>>晚晚跳,

所以當時歲半人仔既Yin B先會同我跳埋一份.

不過後期太懶散啦~跳鄭多燕的次數10隻手指都數得曬~= ="

點知上個月開始我突然跳番一次後,

Yin B竟然就晚晚都要我開黎俾佢睇,

仲比細個時跳得叻左呀~哈哈

上圖既佢,人地都未開始一聽到音樂就無比興奮= ="

係咪好有姿勢呢!!!佢仲會跟口講埋拍子咖>>one two three...

老公仲笑住話"你個仔仲勤力過你減肥呀!!" = ="