陸續係FB睇到好多龍B番學既情況,
BB例牌大喊,媽媽就日日擔心~
不過呢個情況我同Yin B就要明年今日先開始.
事關我一直都無意欲要佢早讀一年書,
所以一開始都無同佢報過N班.
無番N班,多少都會俾人比較.
最記得係上年係Playhouse見到2個媽咪,
迎面就問我N班面試未,小朋友表現如何...
我之後一句"我無諗住同佢赧N班喔"回應佢地.
跟住佢地就即刻變臉唔同我傾計...= ="
有時見到朋友仔亦會講起"早番學可以學多d野"..
直到後期番健康院見姑娘,Yin B講野跟唔上進度..
老公就開始擔心..又話如果報N班俾佢係咪好好多...
話無壓力就假既, 加上最近Yin B玩iPad時間多左,
講野同學習能力都退步左..
老公仲有d後悔無同佢報N班....
當下我真係有d唔開心...
但唔開心都無用,
唯有自己努力同俾心機教佢.
父母先係小朋友最好既老師嘛~
多問一句, 有無媽咪可以教我點教Yin B叫自己名呀~
依家日日同佢講..但都仲係跟口水尾講~
但其他字詞教一兩次佢就記得..
好苦惱呀~好擔心黎緊K1面試><""
最後送上Yin B近照俾大家~
預祝大家"月餅節快樂"
最好方法應該都係日日提醒佢、問下佢、多D叫佢個名
回覆刪除我依家日日都有咁做,希望佢係K1面試會成功啦~
刪除Thx sharing :)
我係不停同佢講佢叫咩名，講講下佢自己就識左啦~
回覆刪除女仔應該易學d~我依家日日都有咁做,希望佢係K1面試會成功啦~
刪除Thx sharing :)
我地依排成日教一仔叫咩名，但佢仍未講过，我觉得係佢未ready，都無辦法，只有日日继续教。。。
回覆刪除一仔又係喜欢玩手机，但盡量比d兒歌、卡通、益智遊戲佢玩
係呀~間中佢會突然逐個字講佢個名..不過感覺佢好似仲未知係自己名咁~
刪除希望快D成功啦~Yin B玩iPad都係睇Youtube多..仲要係英文兒歌..中文既就一律唔聽...睇得多又唔好..但偏偏1-10既英文同ABC都係呢度學番黎..真係無奈..><"
係youtube学，一仔都係，还有color名添，现在学緊eleven to twenty
刪除youtube 好少中文好聽又生動畫面的兒歌呀，所以一仔好少講中文
都係洗腦咁不停講咋， 慢慢啦，佢遲d 就會識架啦！
回覆刪除依家都係日日同佢洗洗腦咁講..希望快d成功啦~
刪除教男仔真係要多d耐性~
大爺都唔返N班啊。。
回覆刪除唯有日日洗腦，或者用佢鐘意既野引佢講，講左先俾佢。。。
如果Yin B好似大爺咁醒目識講咁多野..我都無咁頭痛~
刪除不過每個小朋友都唔同~希望Yin B後黎追上啦~(期待ing)
真心覺得返N班唔係必須（雖然我最終都畀燒腩仔讀，但好大原因係因為佢D行為問題），好記得有專家講過三歲以下嘅小朋友，最需要唔係學呢樣學果樣，而係父母嘅愛，多D同佢玩陪佢攬佢，好過返完N班返屋企無人理﹗
回覆刪除教講自己個名，都係日日同佢提住，問吓佢邊個叫YIN B，玩點名，同搵D佢鐘意嘅嘢利誘佢，講到自己個名先畀佢咁
其實之前見你地個個都有面試時..我都爭扎過..因為係龍B,競爭好大..
刪除不過最後家人都係決定順其自然..我又真係唔想佢咁早讀書,所以都係無報~
當然自己就要付出更多既努力同時間俾佢..希望佢學到野之餘都係開開心心..
Btw~同搵D佢鐘意嘅嘢利誘佢>>呢個我地都有試..不過佢淨係想食野多過講..跟完口水尾叫佢自己講多一次就發晒脾氣 = =""
發皮四應該係覺得你哋玩佢驚無得食，燒腩仔之前都係咁，一唔畀佢食就發難，或者畀少少貼頭佢食一啖先，再講到先再畀多D佢，等佢知講到真係會有得食
刪除我覺得咁細㗎小朋友,學嘢唔一定晌學校,晌屋企去公園,去邊都學緊嘢。最重要係有父母愛錫。
回覆刪除不過 i-pad,都係少玩 D 好。
無錯~希望我地之後既努力會好快見效:)
刪除其實我都係因為肚B講野進度慢先畀肚B讀N班全日，不過我好認同Yin ma所講，父母先係最好嘅老師呢！或者平日可以叫老人家帶佢去公園果啲同小朋友玩下，都有幫助呀，反而就真係唔好畀Yin B玩太多iPad，對住真人好過對住死物呀
回覆刪除Yin B講野都唔算特別叻,所以我都希望遲下可以出黎同你地互動多d..
刪除起碼佢都開心d同易學野d~大家加油呀~
不過我覺得要睇BB性格，肚B出親黎玩都好自我陶醉，其實佢好少同其他blog友BB互動架，有時去室內遊戲室都係間中先會撩下小朋友~
刪除Yin ma果頭有冇啲學前班，其實一星期返2、3日都ok呀，可以玩又可以訓練下自己一個上堂
其實俾小朋友返學都幾矛盾架！我主要係唔想老人家縱孫先俾佢返。唔返我覺得都無問題丫，自己有心教就得！加油！
回覆刪除有得番唔係壞事..始終每個家庭環境都唔同,最緊要都係小朋友開心就得既~
刪除我有奶奶全職湊所以先輕鬆好多,縱孫點都有既,不過好在奶奶都唔係完全由得
個孫話點就點既~
其他人點講唔洗理嫁, 講到尾都係父母意思最重要, 同埋你地既決定一定係為yin b著想 : )
回覆刪除Thx support~
刪除有時人比人真係好辛苦~要keep住持平既心態真係好難~
好在仲有你地呢班媽咪支持:)
一知你無報n就唔同你傾偈咁嚴重? :O
回覆刪除真係唔洗同人比較, 唔好理人點講, yin b出年都返k1啦.
如果你地驚ipad有壞影響, 咪唔好俾佢玩咁多囉. 不過田鼠b啲數字同英文字母都係睇碟學返黎既...
係呀~之後完全當我透明咁~前日出去BBQ又俾2個媽咪問到我仲咩唔報N班,
刪除佢地仲話點可以唔報~不過人地有呢心態都係正常既~始終大勢所催~我要慢慢
習慣啦~哈哈~
btw~依家都係我日日做衰人唔俾ipad佢玩咖,不過yin B都係同田鼠b一樣啲
數字同英文字母都係睇碟/Youtube學返黎既...= ="