發現 Yin BB

Yin BB 的出現, 多少係我同Yin Baba半意料之內既. (大家明咖啦~我唔畫公仔畫出腸啦)

雖然我同Yin Baba都做左"心理準備"...不過等待Yin BB真正出現的時間真係好漫長呢~ 

(其實只係等左2個星期...不過真係等到我人都傻////><////)


每月都會黎探我既"親戚", 原定2011年7月頭就應該黎見我既..

點知"佢"遲左3日都未黎...我就開始半開心半緊張...

幾經辛苦地捱過左一個星期, 耐性幾乎用儘既我...終於頂唔順去左睇醫生 ><

點知...答案仲係要等....等....等....等....


Yin Baba知我心急了, 安慰我可能仲未係時間姐...(其實佢比我還要急><")...

之後的一星期, 我差唔多隔日就走去買"捧捧" (真係買"捧"都買到我窮 = ='')

終於係..19號既呢一日, Yin BB出現啦 

(19號..果然係值得紀念的日子..因為Yin BB就係一年後的3月的呢一日出世了..amazing)

(點解要用2支"捧捧"..因為買2支平d嘛~本身用一支已知Bingo, 另一支....我應該之後唔會用得著..

所以我咪用埋去...)

(第二日我就去左私家診所 >>> double confirm + 寫醫生紙Book產檢..^0^)

成長~Happy play time

琴日心情好煩躁, 加埋腦閉塞...完全諗唔到野.

不過一拎起手機, 睇下 Yin BB既相...

心情轉變就好似變臉咁 >> >> >>

My dear baby, 你總係Mama既心肝寶貝 & 快樂靈丹~



聽日就係Yin BB 踏入 "7個月"的日子.

時間過得好快..諗番起上年呢個時候...佢都仲係我身體的一部份, 依家已經係一個得意的BB豬呢^^

趁有時間 就post 番d Yin BB 舊相俾大家睇下吧 ~ (各位契媽契爸~ 我會好努力還相俾你地啦 )



拍於 19.8.2012 (5個月人仔)


爺爺同佢玩車車...(車仔係我老闆送既..雖然係sencond hand, 但好新淨)

起初坐上去, Yin BB 都無咩反應.. = =''

之後爺爺扶住佢向前向後推..佢就成個生猛曬..^ ^

見到我用I-Phone影佢, 即刻唔理爺爺係咁向前鐘擺post = =''

迷茫既眼神 @@''

見我仲未影完...再擺多個"驚訝"post


拍於 19.9.2012 (6個月人仔)

呢日Yin BB "6個月"人仔啦~

Yin Baba 終於拆左 Fanny 契媽係Yin BB未滿月時送既"vetch 玩具學行車"



Yin BB : 新玩具?!! 咩黎咖??



望左好耐佢都無咩反應, 嫲嫲就同佢一齊扶住架車車黎行...

不過, 個樣就好唔願意咁既款 = =''

一見I-Phone影相, 就即時眼定定望鏡頭...果然~佢最愛都係....影相 ^0^


拍於 12.10.2012

仲有1week就7個月人仔嚕~ Yin BB : "睇到我有咩唔同嗎?"

無錯~就係Yin BB已經可以自己"坐定定"啦 ^0^

(後面的咕臣我用黎傍實佢..怕佢坐得攰會后後鐘)

不過實情係....佢多數都係向前鐘.... = =''

再黎個側鏡拍攝 ^^

睇下佢幾鬼"老積"~


拍於 13.10.2012

呢日Yin Baba 有電腦工作要做, 嫲嫲去左打牌, 爺爺就出去買野, 我一個人湊住佢.


拍於 15.10.2012

晚上11點幾, 仲鬼咁精神 = =''



Yin BB手拎住就係佢最鐘意玩既.. "Pooh Pooh"車仔 (又係出自Fanny 契媽 ^^)

電視一賣廣告, 睇到眼定定 ><""

嫲嫲整理緊佢既頭毛...

整理好頭毛~就擺定好post等我影相相 XD ( ICY契媽最鐘意既兩粒魚旦呀~｡◕‿◕｡)

仲有Yin BB最愛踼既"麵包超人"皮球 (多謝Shirley 契媽)

影左幾張收工準備開奶時..Yin BB 就起勢咁食佢隻手指公..成個"黑社會"大佬咁既款 = =''

拍於 16.10.2012

剛洗完白白...影完先發現未同Yin BB扣好衫褸, 露出大半個心口><"

好專注咁玩緊佢既至愛....

比起一個月前, Yin BB 依家已經好鐘意玩"vetch 玩具學行車"啦..

Yin BB : "媽咪~你影完同我玩未呀?"

Yin Mama : " 收到 ~ 依家同你玩啦 !!"

成長~食粥仔

平時好日都唔入廚既我, 依家升呢做埋媽咪, 點都要做番下野既....

就係咁...前日諗住幫爺爺手煮粥仔俾Yin BB食..一幫就出事了..辣親左個手仲起埋水泡

睇黎我都係時候惡補番我既廚藝了..



講番正題, 依家Yin BB 食粥仔都有2個半月了..

對於仲有3日就滿"7個月"人仔既佢..佢食粥仔的確起步得早...

事源, 佢4個月時有一排飲奶好鬼扭計...

之前10分鐘都唔使就 KO左7安奶...

但個排佢就餐餐都扭扭擰擰...飲親都成45分鐘...

明明過曬飲奶時間了... 一塞奶樽俾佢就喊...心情好時就敷衍飲幾下, 轉頭就推開個奶樽擰歪個頭///><///

於是, 爺爺就話不如試下煲粥仔俾佢食啦 @ @ " (講真, 4個月人仔食粥仔, 真係早得滯..)

不過爺爺講完既第二日..佢就買左個瓦煲黎煲粥仔俾 Yin BB...= =''

結果...佢食左2啖就唔食了...

之後, 直至我同 Yin Baba 換大左一號奶樽嘴..之後佢飲奶先正常番.(呢個我遲下會再同大家分享~)



所以, Yin BB真正肯食粥仔係佢4個半月大時.

不過, 一星期一餐.. 開始份量3-4湯匙左右 >>>>>> 到依家每日2餐, 每餐一個成人食飯碗既份量!!

講到底, Yin BB 都算係大食仔了..睇影片 1 就知佢食得有幾快...喂遲一陣都哇哇叫...


拍於 23.9.2012 :










不過更好食既野食得多..點都會悶既~ 影片 2 既佢明顯食得斯文左.

但都係手腳一齊黎.

所以我地開始俾多d 口味佢試下..

前日, 就同爺爺一齊煮左南瓜瘦肉粥俾佢食 (瘦肉我暫時無俾佢食, 只係用黎調下味...因為嫲嫲話佢已太夠營養啦!)

慣性地~ 佢一試食新野, 就會面容扭曲咁既樣... = =''

之後...第二日既第二餐食..嫲嫲話佢就無咩大反應.. (好彩咋..唔係阿媽個水泡就辣得無價值了^^)


拍於 14.10.2012 :

婚享~擇日

其實之前都寫過wedding 擇日Blog文既..

依家再寫, 除左舊有的唔小心俾我delete左…..><”””

最主要都係想同未婚 / 已籌備婚禮中的姊妹們做個小分享  ^^

無論你搞咩形式的婚禮都好, 定左日子先係最重要.

如果家人係傳統兼迷信的, 搵師傅擇日就一定實無死.

價錢平則幾百蚊, 貴則幾千蚊都有..睇你需要啦~

起初, 我媽媽都主張一定要搵師擇個好日,

第一次嫁女, 多少都係緊張d既…^^

不過同男家相議後, 最後都就番班B6親友,就揀左01.10.2012(國慶日)做大日子.

一黎B6親友唔使特意請假黎飲,飲完之後仲要滾水碌腳就走.

二黎呢日係香港公眾假期, 我地每年都可以放假慶祝結婚週年…呵呵 (我想得太遠了)

總之, 傳統儀式係死既,人係生既, 你信唔信, 無人阻到你!

最緊要係兩口子之後能夠開開心心一齊生活落去.

唔通2013.1.4結婚, 佢就一定會愛你一生一世? (如果咁講得罪人.. so sorry)

只要係真心喜歡對方, 我相信日日都係好日子.

以下係網上擇日的資料, 姊妹們有時間可以去睇睇 :

http://www.8-word.com/?q=node/8

http://brides.she.com/wedding-memo/?object_id=1E2EEC62-BBC3-4797-97219EBA9DD6F130

http://168wedding.blogspot.hk/2010/04/2012-wedding-good-days.html


如果姊妹們真係想搵個平靚正既師傅擇日, 可參考以下資料.

佢既評價唔錯咖~仲未擇日的姊妹們~

加油啦!!

蘇東明師傅
地址 : 黃大仙簽品中心2樓141號 ( 11:00am - 6:00pm )
電話 : 9724 3504

婚禮後記

1.10.2012  我人生中第二個重要的日子.

原來開心既時間總係特別快過, 籌備左一年多的婚禮, 咁就過左了..

怪不得d人成日話婚禮完後, 好多新娘子都會有失落感…

我呀~ 失落感都未黎得切有, 就病左了…食藥…還衫..招呼親戚…湊B..

忙到一團糟…><'''

首先, 我要多謝班好兄弟 & 好姊妹~

唔係你地..我個婚禮都唔會咁順利.

雖然當中都些少問題, 但你地都逐一幫我解決左~ love u so much ^33^

我既靚靚伴娘 -- Shirley ^3^

我可愛既姊妹 -- Fanny ^3^

我索爆既姊妹 -- Tammy ^3^

3朵金花

當然仲有型英帥靚正既伴郎+兄弟 (左-右: 兄弟:Matt & Kit,伴郎:Hanzen)

仲有, 就係一團 (無錯, 係一團)遠到而黎祝賀我的B6親友.

因為即使係新年呢d大時大節, 我地都無法可以全部相聚一齊.

今日, 你地竟然因為我, 大家預早一個月就搞好簽證, 姨媽舅母們仲特意打扮一番..

連我d姨丈睇到都跌曬眼鏡….哈哈…

呢一刻, 我真係好幸福~

當然, 少不了就係我既好媽媽 ~

由我開始籌準婚禮, 你一直都無俾咩壓力我~

即使係籌準的過程中, 我試過頂撞你…但你都一一包容.

媽媽~今日我成為人地的老婆, 媳婦, 媽媽了…我會將你的美德好好發揚開去XD…

至於老爺, 奶奶, 家姐~

感謝你地好早就當左我係家裡既一份子, 照顧我, 包容我, 體恤我.

今後我會儘心做好本份, 大家開開心心相處下去…

還有, 老公的親友們~

感激你地百忙都抽空出席, 令我個婚禮歡笑不斷 

再者, 就係我同老公的一班好朋友 & 好同事.

一個簡單宴客晚飯, 你地都盛裝出席~我好感動哦~

Panda~我最難忘你既露臍裝~ so sexy ^^

Yetta : love u forever & hope you have a happy & perfect wedding next year !! 

Shan Shan : love u forever & find a dream man asap ^0^ 

Best friends大合照 ^0^

最最最後後後…就係多謝當日有份協助我個婚禮的所有工作人員 :

Yumi, Vi Vi , Ray Law, Frankie, Emily Chan, Willion…(如有數漏, 請見諒 )

同埋酒店酒樓一眾員工…

感謝你地~

P.S : 因本人現有既相片有限..遲d會post 多d俾大家分享 ^ 3 ^