瘋狂購"襪"

 

 

首圖 : 平靚正的絲襪

呢篇係出得唔及時啦~

但有好野點都要同大家分享既..

遲好過無嘛 ~ 嘻嘻


首圖就係之前有個出名Blogger分享過既~

好穿兼抵著的絲襪~

$12/pcs (購至Jusco $12店 / $10店已成過去啦)

呢3對係我今年的再入貨~

加埋上年買的...夠穿足一星期呢

本人160cm/110g, 著住一d都唔肋腳,

因為我右腳條筋時不時就會痛 (老毛病了),

試過著唔少絲襪唔係太短就係無彈力, 令我腳痛上加痛. >//<

但著呢對就無腳痛問題~

當然每個人的腳長都唔同, 唔可以完全作準,

如果你身高重量同我差唔多既,

不妨買黎試下,

好著的買多幾對都無所謂,

著足一星期都唔使$100~

仲想點?

至於透唔透,

我個人就認為唔算,

大家可以買之前睇清楚.

唯一缺點就係選擇的顏色太少,

我暫時都係見過黑色, 深啡色 & 棗紅色 (當然我3個色都有買啦^^)

如果大家去開睇到有新色, 記得話我知 ^^


點解話呢篇Blog文出得遲,

就係因為跟住分享的就係呢間購"襪"淘寶店.

依家好多淘寶店都進入"收爐"狀態,

大家要買就快手啦!

http://pilidoodle.taobao.com/?spm=a1z10.3.0.28.23UA7j

評價 : 價錢唔算最平, 不過質料真心認為唔錯.

厚實, 彈性好 (都係果一句, 請以我身高重量為準, 再自行決定買唔買)

推介 & 購買過 :

ayomi推荐让人困惑的美丽颜色-超优质多色竖纹显瘦连裤袜0.1KG



【售出5000】复古搭配圣品绝佳质感高弹优质天鹅绒连裤袜-0.075kg

【镇店之王】热销9000条-晶莹剔透极致超薄珠光丝袜-0.035kg

 

成長~爬行3步曲

拍攝日期 : 30/8/2012
(呢個係我既最愛短片之一, 每次睇番都笑C我, Yin BB 個樣似學游水多過似學爬 )
拍攝日期 : 17/11/2012
(事隔3個月先真正開始"肯"爬爬, 搞到我之前一直都以為佢唔會爬就直接學行添~)

拍攝日期 : 5/1/2013
(爬爬熟練到一路爬一路玩玩具)

成長~盪鞦韆

拍攝日期 : 05/10/2012

首圖 : 7Month 的Yin BB真係太肥美了~所以吸引左好多大毒蚊 >///<


婚禮完後, 我同老公一家都忙過無停手.

呢日老公一家就同奶奶的B6親友去左元朗百烏塔觀光.

我無份..因為婚禮後我就病左, 呢日我去左睇醫生.

所以無親身睇到Yin BB 第一次盪鞦韆有幾開心

早知叫Yin Ba拍片啦


剛去到百烏塔, Yin BB 就大覺訓 (首圖)

訓醒, 就梗係同陽光玩遊戲啦

爺爺見到有鞦韆, 第一時間就抱Yin BB去玩.

P.S. 多得我地平日係屋企同Yin BB訓練有素, 所以佢第一次玩鞦韆完全無怯場.

Yin BB : 爺爺~ I am ready!

爺爺 : 1. 2. 3. ready go ~

Yin BB : 爺爺 : again~again~

Yin BB : I am so high

Yin BB : Do u want to play with me ?

心型脷

心型脷 (≧∀≦)

前晚Yin Ba 同 Yin BB 影相無意拍到...

放心~Yin BB 唔係痴脷根既~

只係因為出牙仔&牙肉痕, 佢最近好like咁樣玩

媽媽話?

某日某時,

老爺沖奶茶,

Yin Ba 打開廚櫃問我用咩杯飲,

Me : 果個杯~

Yin Ba : 咩果個? 即係邊個..

最後我答佢 : 左手邊的杯


幾分鐘後, 奶奶叫Yin Ba係雪櫃拎野俾佢食.

奶奶 : 仔~係雪櫃拎果罌野俾我食

Yin Ba : .........咩果罌? 即係咩黎咖?

奶奶 : 紅色蓋的玻璃罌.

Yin Ba : ..........雪櫃好多個紅色蓋的玻璃罌. 

Me : 係雪櫃門邊, 用黎裝話梅肉的玻璃罌.

Yin Ba : 係綠色蓋的玻璃罌!!!!!! 你地究竟講緊咩話?!! 下次"果個"就幫"果罌"拎野啦~

奶奶 : 你唔知生左B的女人講野就係咁啦~

Me :

♫ Happy 10 Month ♪

上星期六 Yin BB10個月大嚕~

依家仲有2個月都唔夠,

佢就1歲人仔了.

不得不講...時間真係好快~

每次諗番起被推入產房生佢果時..

仲好似琴日發生一樣~

踏入成長新階段, 佢都開始學識好多野.

依家食星星餅都識得用姆指同食指拎住.

亦都識得對準口仔擺星星餅落去~

有次見到佢自己拎住星星餅黎玩,

無意中就發現佢原來開始可以唔扶住野就企係度,

當然唔係好多時都成功,

不過, 係媽媽眼中已係跨向成功的一大步.

至於爬爬, 依家要佢單單係地墊度爬係無可能啦.

所以我地都由佢周圍爬了..

佢好多時趁我地唔為意, 一支箭就爬去廚房度 = ='' (如上圖)

除左爬去廚房, 

佢最鐘意就係扶住電視機櫃黎行 & 睇電視

屋企的55'電視機已經夠大啦...

仲要爬到咁前黎睇...>///<

再唔係就度搗蛋~

上圖 : 佢個左手仔已經禁緊爸爸部PS3

每晚臨訓前, 佢會扶住我地床頭櫃玩.

呢隻"鋼牙"公仔係佢早期的至愛,

Yin BB的高度岩岩掂到,

果時佢可以就咁就玩一大輪.

1星期後..

就玩遙控, 仲有媽媽(我)的護膚用品...

最後連我M巾都唔放過..= =''

髮夾都玩?! @@

Yin Baba仲同佢玩埋一份.

唔話佢地係兩仔爺都無人信 = =''

至於我地成家人最擔心Yin BB出牙仔的問題,

終於解決左啦

依家暫時出左一隻下門牙~

不過可能仲吽緊出其他牙仔,

呢個月每隔幾日佢就會好炆憎 >///<

聽左田鼠媽的意見,

呢段時期要俾多d attention BB.

雖然係辛苦d,

但見到BB健健康康成長,

一切都係值得既~

各位媽媽, 我地一齊加油囉~

成長~剪頭髮

首圖 : Yin BB的頭髮生長圖 (2days > 1Month > 5 Month > 9Moth)
Yin BB的頭髮由出世到依家話多唔多, 話少又唔少..(好似講廢話 = =")

5個月時, 佢d胎髮都甩得7788.

諗住佢都會甩曬變光頭仔啦~

點知去到9個月時竟然會長到成個"洋蔥頭"咁~ = =''''


聽過唔少人都話點都要同BB剪一次胎髮,

之後生出黎的頭髮先會靚d & 強壯d.

係咪真我無去研究,

不過佢成個"洋蔥頭"咁既款,

影相真係好鬼礙眼 >///<

所以我地最後就帶佢去左爺爺平時剪頭髮的地方 >>>"上海理髮舖"

v
v
v

盛惠$40, 5mins就搞掂 ^^

點樣剪? 就係我抱住佢剪囉~

佢第一次剷頭髮~

好定&完全無扭計

剷髮的EE都話佢叻叻 ^^


~完成圖~


知道Yin BB剪頭髮咁乖豬~

Yin Baba最後索性買個剷髮機我地自己幫佢剪.

即日買即日用

拍攝日期 : 14/1/2013

操刀人 : 嫲嫲


眼定定望住媽媽 (我) ^^

因為臨時臨急剪頭髮,

所以拎左個乾淨的垃圾袋黎做披肩 下次要買個BB專用的俾佢^^

~完成~

因為第一次自家剪,

點都係慢手d啦~

所以Yin BB露出一副唔耐煩既樣~

各位EE~點睇我呢個和尚look呢?

媽媽(我)就愛死佢啦~