新一年, 新開始 ^^

Bye Bye 2012

Yin BB同大家一齊迎接新一年----2013

新一年, 我地一家3口仲有老公家姐(Yin BB's 姑媽) 食左餐 very good既開年飯 XDDDD

呢間日本料理餐廳叫"炉家" <按此>, 夜晚仲有鐵板燒 (最平都係600-700/2人), 元朗區的朋友仔可以一試^^

先睇下圖止渴先啦~ 

我地2點幾先去到, 離店舖落場時間仲有一個鐘.

可能因為咁..所以無咩人...可以話我地包曬成個場咁滯XDDD

等緊食期間, Yin BB就暫時好乖咁坐係度~

想像一下佢係度彈琴既樣~ (Yin BB : 我係翻版李雲迪 --- BB >V<)

望天打掛樣~ (Yin BB : 抬起我低過的頭來)

店舖的職員好好人~見到Yin BB扮乖既樣, 即時俾左支棍仔糖俾佢 (果然扮乖係有用既)

超為食既佢, 一啖就食住唔放..>///<

不過我好驚佢會成粒啜住唔放, 然後吞落去..所以俾佢啜左幾啖就擺埋一邊..

點知一拎開, 佢鬼死咁大聲咁吵...><''

最後唯有將我地食既野同佢分甘同味...佢先肯收聲 = =''

我拎住的就係餐後甜品--- 芝麻雪糕 (超好味呀!!!!!!!!!!!)

我只係影一影相, Yin BB就已經好唔耐煩,

因為我阻住佢食嘛~

我一啖都未食完, 佢就呱呱吵...

見佢隻手仔嗎? 驚死我喂遲佢一陣..自行用手拉我隻手埋去喂...

食飽飽就梗係影相相啦~

終於有張見得下人的兩母子合照啦!


一家3口~


之後...姑媽有張starbucks買一送一的優惠...仲要只限今日咋~

我地拿拿林去左買黎飲...飲完飽曬~

Yin BB就小睡完畢 >>> 準備出發去沙田.



因為我地係第一次揸車去沙田.

所以事前問左老爺大概路線圖..老公仲用錢買左個導航裝係我部I-Phone度.

不過...我地都係跟老爺的說話去行...無跟導航 >>>(行左一半都未有, 我地就感覺佢好似帶錯路, 買黎完全係曬$$)

最後順利到達! 

第一時影相相先~

我地好晏先出車..所以去到沙田新城市都差唔多6點 (就快係星光花園燈飾時間)

趁未人多..就排定隊先.

Yin BB呢個笑容算係全日最俾面啦~

之後就.........

入左場..等左5mins就開始燈飾表演.

因為上網都睇過唔少朋友仔post既相,

我的期望不大....志在同Yin BB影下相~

點知~Yin BB好不屑的表情話俾我知... (Yin BB : 係你地想影咋..我唔係! )

入夜左~影相就難d..

老公好辛苦先調好部相機, 點知Yin BB擺極都係咁既樣= =''

之後就扭扭...擺落BB車就大覺訓 ..

完全白費我地今日此行的心機~

Yin BB唔欣賞...

就唯有我地自拍娛樂下啦~

但自拍真係好鬼難..

最後搵左個揸專業大相機既哥哥仔幫手~

1 take搞掂...(不過睇番相就得啖笑..老公白到面青, 仲要拎住個走佬袋...死未~)


因為Yin BB訓著左, 都影唔到咩相.

我地就諗住食d野就番去..

但因為晏晝個餐仲未落格, 最後我地都係決定番元朗食.


本黎識得揸出黎...就應該點都識得揸番去~

就係因為轉錯一個彎....我地最後遊左一個大花園先番到去= =''

錯有錯著~我地最後就去左屯門黃金海岸的"星群地中海餐廳" <按此>開餐XDD

呢間餐廳係我同老公第一年慶祝佢生日的地方~

7年後~我地就帶埋Yin BB黎呢度~好特別呢

食完都差唔多9點, 趁最後同Yin BB影多幾張相相~

因咩解究..你又係咁既樣...>//<

去拎車時, 經過見到棵聖誕樹, Yin BB 摸到摸切..

下年啦~我地屋企的聖誕樹就會擺番出黎..任你摸啦~

最後同大家講多聲"Happy new year & Enjoy 2013 "