成長~歲半針@健康院 (全文字)

係時候update番Yin B的成長進步了...

我都知呢排懶左好多...

事關我仲忙緊旅行d野><"

Yin Ba仲話明明係去散心玩下, 

我就成個緊張大師咁...

佢梗係講得輕鬆啦, 因為佢完全無plan過任何野, 

到出發果日佢就係準備人一個就算...

算了...男人唔需要同佢解釋太多!

28/09/2013

同上次(一歲)一樣, 我地都係book左星期六的早上番健康院.

好在係唔使請假, 唔好就係人超多(因為下午休息),感覺姑娘做野無咁細心.

去到等左15mins,Yin B就去磅重.

12kg,仲算係大隻仔一個.

趣事一則: 

磅重時,我同Yin Ba 諗住企係度磅會快手d

問左下姑娘佢話ok, 就同Yin B除淨條片企係磅度磅重.

點知Yin B一上磅就大喊 = ="

我同Yin Ba唯有一齊唱"Happy Birthday"引佢笑,

最後勉強引到Yin B企定定3秒...成功磅到重.

不過唱歌果下,感覺成間房的人都望住我地兩個 XD

當下我心諗好在係英文版生日歌, 如果係中文版我真係想死囉..哈哈!

之後見姑娘:

先問左下Yin B依家的飲食/生活習慣 :

Yin Ma: 仲係三餐奶(同一歲時一樣)

姑娘: 最好都係兩餐,可以戎下午茶餐奶/轉飲鮮奶+食生果

(Yin Ma結論:下午茶開始俾鮮奶Yin B飲,佢都幾鐘意,早晚奶應該有排先戎甩)

Yin Ma:佢開始有揀食問題, 好多生果都唔肯食 ><"

姑娘:多d同佢一齊去買生果,等佢認識多d唔同的生果,大家一齊進食係佢面前表現
好味道既樣,減低佢的抗拒感

(Yin Ma結論:都係唔成功....唯有再努力了)

Yin Ma:嫲嫲會用雪糕加生果黎喂佢食!
姑娘:當然唔好啦, 咁樣只會更加令佢有個唔好的飲食習慣.
(Yin Ma結論:我堅持唔得,但有人都係照做,有無媽媽可以話我知壞處(唔係肚瀉咁簡單),
因為姑娘呢個point唔夠說服人)

之後我仲問左一連串我都唔記得係咩的問題,

今次的姑娘好細心,有問必答,態度又溫柔 ^^

輪到姑娘考Yin B:

1,叠積木-pass
係咪姑娘咁有魅力, 一開口叫Yin B叠,
佢真係叠咖,仲好貪心兩粒兩粒一齊叠,
事後我同Yin Ba都O晒嘴,因為平時我地點叫佢都唔叠= ="


2說話-fail
姑娘話要識講10個有意思的單字(唔包平時叫的babamama),
我出儘腦汁去記番Yin B講過的單字,最後都係得5個咁大把,
最後2歲要番黎再跟進~


3眼耳口鼻-pass
其實Yin B只係用手指左口同耳, 之後就開始係度發脾四想走人

4自己進食/喂人食野-pass

大致上係咁多, 之後準備出去打針時,

Yin B好開心兼主動同姑娘bye bye,

唔通佢以為咁樣就可以番屋企?!XD



之後Yin Ba去左拎退燒水, 我就一個人(第一次)湊住Yin B打針.

打針前Yin B仲係咁食住個奶嘴,我仲問姑娘使唔使拎開,

姑娘話唔使由佢食(之前唔係咖),

跟住姑娘就一邊準備針筒一邊同Yin B傾計 (分散佢的注意)

全程唔使1分鐘就搞掂(今次打手臂所以好快手)

Yin B竟然無喊過,離開時又主動同姑娘bye bye

姑娘仲大讚佢叻叻.

最後我地去食埋個豐富早餐先番屋企,

算獎賞呢個人仔今日咁乖豬啦~XD