遊記~泡菜國之旅Day 2

有朋友仔黎緊4月中去Korea影pre-wedding,

羨慕C人啦~

唯有睇番上年遊Korea相片自我安慰下啦XDD

15/10/2013(Tue)

呢一日原定早上去首爾塔參觀,

可惜天公不作美.

一清早係咁落毛毛雨,之後仲時大時細.

最後唯有係明洞慢慢Shoping.

出發前我地係民宿附近隨便搵間食店食早餐.

可能時間仲早,

全埸得我地兩個人= ="

一向嘴刁的Yin Ba第一時間擔心d野好唔好食.

結果梗係多餘啦XDD

除左好食之外仲大大份.

佢地一碗麵根本就係2個人的份量嘛~(睇番相突然間好肚餓呀!)

食飽飽就搭地鐵出發囉~

不過有人仲未瞓醒@@"

明洞出名係賣化妝品護膚品~

每個品牌係呢度基本有3-4間分店,

呢間買漏左,唔緊要!行多幾步係下間分店買番.

(上圖只係我當日1/3戰利品)

午餐:綜合年糕鍋

因為早上食得太豐富啦,

到下午2點幾我同Yin Ba都唔係好肚餓.

但天氣又風又雨, 腳又行到痺.

最後都係搵食野地方休息下先.

食完火鍋,我仲叫埋炒飯(必食呀)

其實當下已經飽到暈,

但我都食晒去,因為真係好好味(唔怪得去完Korea我重左咁多啦XD)

入夜後,

明洞大街開始佈滿好多街邊小檔.

賣衫賣食物都有,同香港花園街無差別~

口痕的Yin Ba專功小食店~

之後因為戰利品太多的關係,

我地先番左民宿擺低,再去樂天超市掃貨.

P.S請記住明洞的樂天只係百貨公司唔係超市!!!!!!!

如果要買零食手信一定要去樂天超市!!!

(上圖係首爾站的樂天超市)

~紫菜山呀~

~戰利品~

竟然比想像中買得少!!!

買完我地又再番去明洞按腳~

行到痺雙腳終於舒服番晒.

當晚晚餐/宵夜: 橋村炸雞+杯麵

炸雞好好食呀~可惜最後一晚無再得encore T.T

(依家越睇個肚越打鼓)

民宿當晚的負責人好好人~

主動沖左杯咖啡俾我飲~very nice

之後我地就一齊傾計到零晨2點幾XDDD

~待續~