♫ Happy 24 Month ♪

係時候又講番Yin B成長紀錄啦~

上個月因為忙住搞Yin B的生日會,

所以都無咩時間去update個Blog.

明明話左唔搞唔搞..點知最後都係搞左...(女人就係口是心非啦XDD)

雖然都有d契媽契爸無黎到~

不過都係一樣咁熱鬧~

今年Yin B仲收到好多佢至愛的黃色小兵(佢口中既baba)禮物呀!

當日我仲特別訂左個baba蛋糕!

不過唔知係咪佢成晚都收住baba禮物, 

見到個蛋糕時竟然無反應= ="(仲眼啤啤)

至於吹蠟燭仍然係由我代勞~

希望明年佢可以自己吹啦XDD

黎緊呢個月復活節假, 

我地全家番江門探親兼拜山,

所以拿拿林同Yin B去辦好證件.

左係passport,右係回鄉證(點解分別咁大既= =)

因為係第一次帶佢去遠行, 

仲要4日3夜,天氣又唔多穩定,

我仲頭痛緊要帶幾多野俾佢><"

講番食野方面:

仲係3餐奶(奶樽)& 2餐飯

上星期二番健康院又俾姑娘話我仲咩俾佢飲咁多奶...

唉~本身我都想同佢戎左下午茶果餐,

不過99仲係好堅持,

又話佢飲到仲咩唔俾佢飲/細佢2個月的小朋友仲飲緊5餐奶啦...

坦白講平日湊Yin B最多唔係我, 

即使我堅持頂多只可以係假日唔俾佢飲.

其他媽咪有無咩經驗可以分享?!

玩方面:

日日番到去就係見到佢係咁禁...

一話佢, 佢就起晒剛咁樣= ="

唉~黎緊天氣好番, 

真係要帶佢去多d郊外玩下,

唔可以再做電子迷!!!!!!!!!

至於講野方面,

因為歲半時番健康院時fail左..

上星期二(25/3)就再番去跟進.

不過當日Yin B有d唔舒服,

姑娘一拎本書仔想叫佢指物件,

佢就一手推開仲尖叫..(我心感結果都唔慌好)

最後又係fail,過多5個月再番去.

之後一向最擔心佢講野的Yin Ba,

一聽到結果就係咁叫我同佢報N班,playgroup...

N班當然無可能啦(面試都完晒=0=),

playgroup我最後同意左,當係俾佢同其他小朋友玩下.

但原意一定唔想谷佢要學d咩,

始終個個小朋友都唔同,

我相信Yin B好快都會追上黎既~

講野係輸左d,

不過佢都有一樣叻叻既就係半成功戎左片啦XDDD.

日頭基本都唔會著片(出街就著,以防萬一)

尿尿我地就每2個鐘問佢去唔去..

去佢自己行去廁所.

Poo Poo就會自己谷到臉紅仲唔唔咁叫(有時夾埋大聲臭屁)

咁我地就同佢去廁所.

至於晚上,

其實有一個星期成功唔使著片訓咖,

不過之後有2晚就唔知仲咩事瀨濕左..

所以之後都係同佢著番片訓.

但佢都無係片度尿尿過!

相信我應該好快唔使再買尿片啦!呵呵