煲劇的日子

屋企自從多左Yin B後,

我地一家幾口可以認真煲吓碟的時間真係少之有少囉.

老爺係個超級電影迷, 

呢個櫃裡面的碟全都係佢既珍藏至愛黎咖~

依家佢都係趁假日我地湊yin b番婆婆度佢先可以專心睇番下咋XDD

.....(開始有d離題)^^

話說我最近都有番"煲劇的日子"啦!

因為老公幫我安裝左"千尋影視"Apps,

隨時可以用手機追韓劇同電影, 

真係正到痺呀^0^

依家番工lunch time,yin b瞓覺後就係我煲劇的時間啦!

"來自星星的你"

呢套近期超熱門的韓劇,應該無人唔知啦吧~

但一星期先播2集,真係等到我頸都長埋.

雖然我自知已為人母,

但膚淺都要講句男主角真係巧巧巧型呀!!

最重要人地唔係靚仔就無演技囉(yin ba:你中晒毒啦(-__-))

點都好只要你同我一樣仲有少女心(哈哈)一定要睇呀XDDD

btw~咁多年女主角仲係咁正!!(羨慕C人)

我最鐘意係佢演出的"觸不到的戀人"電影♥♥

煲開有條癮,我仲諗住煲埋男主角之前的電視劇.

"懷抱太陽的月亮"(之前無線高清都播過)

不過要去到第6集先有男主角出現,

加上古裝劇節奏較慢...都無遲下先煲啦.

如果同我一樣對偵探劇有興趣既~

個人推介呢套"特殊案件專案組TEN".

無線高清都播過第一季叫"十級重案".

本身無線高清播時我真係無咩興趣,

加上係星期日晚11-1:30am播(睇完真係眼瞓c)

點知Yin Ba睇左幾個鏡頭就話好睇= =''

之後就要我陪佢追落去,

最後就兩個眼瞓都要睇落去XDD

不過....

呢套劇細節較多, 有唔少血腥鏡頭,

唔想太花心神追就真係DL無線高清粵語配音黎睇好d.

相信佢好快都會播埋第二季既~

有興趣就留意下啦≧▽≦