♫ Happy 20, 21, 22 Month ♪

終於收拾番心情update下個Blog啦~

話說上年的11月開始,

屋企發生左大大小小的問題,

我的心情真係跌到落谷底.

好在最後都算係雨過天晴,

新一年除左希望家人身體健康,就係大家一團和氣.

11/2013

講番Yin B啦~

11月的第一個星期,

佢突然唔肯跟我瞓(因為平時假日我就會湊佢瞓,等奶奶休息下)

起初以為只係一兩次,

點知去到今年1月頭佢先肯跟番我瞓咋~

仲要佢瞓前1個鐘唔可以俾佢見到奶奶,

唔係又會唔跟我瞓.

因為咁呢個月我心情就開始好反覆,

朋友雖然話奶奶成日湊住Yin B佢點都會痴奶奶多d,

我當然明白,

但連平時同佢相處時間同我差唔多的Yin Ba,

佢都好痴,偏偏就係唔痴我.

當下我就接受唔到啦~

亦都因為咁我同Yin Ba的分歧多左,

佢都開始頂唔順我的脾氣!

呢刻我終於明白,自己再無了期咁埋怨都係無用既,

應該由問題的根源去了解再搵方法去解決.

最後我發現因為我開始迷上煮野食後,

平時晚飯後同Yin B相處時間用左一半黎煮lunch box.

仲有就係我同Yin B玩時太正經,無咩反應

唔似得Yin Ba咩都可以同佢玩餐飽,

表情反應仲要有幾誇張得幾誇張.

經過左一個月努力,

Yin B終於重投我懷抱囉~

呢種心情比中頭獎仲開心^^

12/2013

雖然Yin B痴番我,

不過就唔小心感冒病左><"

睇左3次醫生先好番呀.

睇下成個面珠dum都無左..(心痛死啦)

1/2014

病後好,奶奶就開始儲肥番佢~

終於面珠dum番番黎囉~

不過前晚佢同Yin Ba玩得太開心,

忘形得滯差錯腳跌落地,右額仲撞埋去門框度,腫左一大舊><"

嚇到Yin Ba呆左仲話要帶佢去醫院check下.

最後我同老爺觀察左Yin B的情況:

無嘔吐,無呆滯,仲食得行得..

之後先決定唔去醫院.

雖然話小朋友唔跌唔大,

但佢真係比正常既特別多.

仲要好多時都係撞頭仔><"(驚驚)

總結:

~飲食~

依舊3餐奶2餐飯,

但開始食多左好多零食= =!!

成日都同屋企人講唔好下下俾咁多佢食,

但個個都當我講既野係耳邊風.

有時真係好無奈兼激心...

唯有自己阻止得多就幾多囉(灰)

自行進食:前日開始主動要自己"不"野食,

今次仲要唔係我"不"好然後俾佢擺落口,

而係自己係飯兜"不"飯再自己擺落口^0^

開頭都"不"得幾好..食左一半飽飽地就"不"到成檯都係= ="

雖然係咁我第二日都拿拿林買番個啜啜飯兜俾佢,

希望遲下有好成績啦XDDD

~言行~

上星期開始我同Yin Ba收工番黎,

Yin B會好開心咁叫"咪咪"同"爸爸",

真係冧死我同Yin Ba呀♥♥

講野就仲係單字黎講:

一見圓形既野就不停叫"波",

知道有野食時佢會叫"mum,mum"(由其係佢的至愛M記薯條)

最愛搭lift lift, 依家一見到lift係叫lift lift,

仲要自己禁制.

俾有包裝袋既野食佢時,

佢會叫"搣, 搣"叫你幫佢打開XD

湊佢去尿尿時佢會叫"殊殊".

希望兩歲番去健康院檢察時,

Yin B會pass講野呢part啦~

識:

見到棉捧會拎起扮撩耳仔,

拎指甲鉗扮剪腳甲,

最鐘意玩垃圾桶, 所以一見地下有少少紙屑,

就拎起去垃圾桶掉....(其實係想玩垃圾桶多).

除左執玩具, 有時我地叫佢幫執野佢做到都會做.

算係幾有手尾既~hehe

玩:

開始鐘意玩車車啦~

大家唔好咁驚訝, Yin B之前都會玩, 但通常都係3分鐘熱度.

依家晚晚都拎住契媽送的四驅車係咁玩..

但最慘個遙控好弱雞, 跌左一次就只係識得向前, 唔可以向後...

所以同親Yin B玩呢架車車淨係執車都執到手軟><"

玩/買第二架?!我梗係有啦,

但佢偏偏最鐘情呢架= =''

仲有最愛就係玩錢錢~

試過買d假錢幣俾Yin B玩,

點知佢完全唔like....

最後都係要俾真既佢玩先得.

佢最鐘意就倒晒d錢幣出黎,

然後就慢慢入番落錢罌去.

佢可以一玩就玩成半個鐘.

玩得多左, Yin B依家一見到檯面有錢幣,

佢就好快手出入落錢罌.

有次我買菜剩低左好多錢幣擺係度,

行開左一下就影都無埋...

最後先知係Yin B的傑作= =''


仲有4日就足22Month嚕~

希望佢健健康康&開開心心啦~