遊記~泡菜國之旅Day 1

上年10月中,我同Yin Ba去左一轉泡菜國-Korea~

補祝番我地渡蜜月.

14/10/2013(Mon)

數數手指,今次係我第三次出國咋(超少呀!!!)

例行公事--影登機牌(其實我係第一次影, 平時FB見人影得多嘛≧∇≦)

我今次係第一次搭國泰航空,

平時聽人話點好點好....

最終我的評分:超難食的飛機餐(注:我向來唔係嘴刁之人)

出發果程,我同Yin Ba坐窗口位~

所以又再例行公事--影下雲海 (哈哈)

Wo~好靚呀~

落左機,我同Yin Ba就滾水淥腳跑去關口&拎行李(慣切香港人趕頭趕命作風XD)

結果係我影完呢張相的半小時後,先拎到行李...(頭先趕黎仲咩鬼!!??)

之後去到民宿先發現我地最大的行李箱鎖頭"爛左"!!!...= =''

拎完行李,我地之後係機場租借Wiff,再搭1小時的車程先到我地的民宿.

原本的1小時時差再加上係機場的折騰,

到達民宿時已係當地時間的4點幾= =''

餓到呱呱吵的Yin Ba死都要我買野俾佢食左先..

好啦~好啦~最後係民宿附近買左呢間店的炸雞

大家都知Korea當地人的英文係有限公司,

我去買時,個店員係咁指住menu其中一欄猛叫Chicken,

其他就係我聽唔明的唔知英文定韓文啦~

結果買番去係3個人食的份量呀!!!!!!!!!

好在我同Yin Ba餓鬼上身, 最後都掃晒去!

食飽休息左一陣, 我同Yin Ba就出發去東大門.

我地的民宿係東廟站附近(MTR就係東大門下一站), 離東大門都幾近.

所以我地就步行去東大門, 15分鐘就到.

點知就黎到目的地時, Yin Ba先發現本旅遊書同地圖遺留左係民宿!!!!

佢仲笑笑口話不如我地打的番去拎囉= ="

好在東大門比想像中超易行,無地圖都唔大問題.

到最後我發現其實係無咩野可以行><"

我地的路線圖:

Hello APM > Doota > 批發市場

坦白講,東大門并唔係大家想像中咁多野買(旅遊廣告係呃人既)

我地先行Hello APM,佢的格局根本同旺中無咩分別,

大部份的賣家都開左天價俾你殺價,

我同Yin Ba的經驗/感覺:

第一次:殺左2/3價好有成功感,

第二次:開始懷疑佢地到底真正的賣價係幾多...

第三次:已經唔想還價了..攰死啦

Doota:

正常的品質,但天價的價錢...(雖然有退稅,但都唔推薦行)

真正買得落手只係頂層的童裝.

批發市場:

友人話有些批發市場可以買多件唔同款,都會賣俾你既..

可能我去的timing唔岩(當地時間12am,批發客最多的時候),

又或者係根本無呢支歌仔唱,

問左一兩間批發店reject左我後,

就無心機行落去.

呢一晚Yin Ba的收穫比較多,

我就一條手鍊咁大把...

雖然收穫不似預期,

但飯總係要食既XDDD

我地的第一餐晚餐~姜虎東烤肉店

呢間係當地都幾出名同多分店,要搵都唔難.

因為係第一餐亦係唯一餐韓燒,

所以無得比較,但一定好食過香港既XDD(好多餘的評價)

好明顯我係食大左個胃>33<

呢個係我同Yin Ba(正確黎講係我一個人)的宵夜

當時係韓國的11:30pm,

我地仲坐低同Yin B Tango時, 老爺就話岩岩先食完韓燒(佢睇到我的FB Post,哈哈)

依家又食宵夜,有無餓得咁快呀XDDD

不過當時飲緊奶的Yin B就唔多理我地,望都唔望鏡頭= =''

臨走前好無聊既我做左呢樣野^^(Yin Ba都有份咖)

食完宵夜番到去民宿,沖埋涼2點幾先達落床...散晒~

~待續~