成長~terrible 2

最近個個媽媽都講起"terrible 2",

等我都黎湊吓熱鬧先.

Yin B出世到依家,

我地已知佢唔係易控制既人,

叫佢做野總係睇佢好唔好心情,

小小唔岩佢心水就發脾四,

所以我都無咩留意佢到左terrible 2階段未,

或者係好早已經係terrible 2吧(=‵′=)

噚晚,因為我唔俾個MP3手指佢玩,

佢就係地墊度一哭二鬧三滾地(當下真係好似睇緊驅魔人咁￣□￣">>田鼠媽口吻).

我梗無理佢啦,點知佢就變本加厲,

最後要爺爺大大聲話佢,

佢先慢慢收聲扮無野!

之後又玩門,點知唔小心俾佢自己反鎖係房.

拿拿林用後備匙開番門拉佢出黎,唔俾佢再玩門,

佢竟然一手fing開我,

仲一口氣爬上張床度碌黎碌去發脾四,

見我無反應就將頭撞埋床欄去!!!!!!

當下真難想像...呢個真係我個仔黎咖!!!

三歲定八十呢支歌仔已經唔合時啦,

所以有時面對佢依家的表現,

我都唔敢太早下定奪.

相信係時候要睇番呢本天書啦XDD

早係Yin B出世前朋友就介紹我一定要睇..

可惜我到依家都仲未睇完⊙﹏⊙

新一年各位媽媽要繼續努力啦!