新手媽媽--懷孕記錄

好多朋友仔都聽過我唔少的懷孕分享.



今次寫番, 主要係俾我明年生B的朋友仔做下參考.

仲有就當係記低番Yin BB係我肚入面時的回憶.


1, 懷孕傳統禁忌

雖然我唔迷信,

不過只要唔過火 & 能力上做到的我都會做.

大前提都係為 BB 好嘛~


頭3個月唔可以話俾其他人知(親友除外)有左BB -- 怕BB小氣>>會小產

因為老公有意無意爆響口, 我陀B就變左公開秘密 = ="

再加上要產檢, 點都要同公司講聲, 最後梗係破戒啦. 

好在~ Yin BB唔小氣咋


頭3個月唔可以太勞碌 & 唔可以出夜街 -- 會小產

呢個都唔可以話係傳統禁忌, 因為正常有左BB頭3個月都要好小心, 要多休息.

理應我實做到...理應....

最後, 我係8月大熱天時陀住2個月大的Yin BB影婚紗相,

仲要撞正舊曆7月...嚇到我媽媽同奶奶一額汗...

個日之後, 我係完全宵禁咁滯...一收工第一時間就要番屋企...

後黎, 聽到身邊有好友都因為操勞小產左..

我先知道當時我咁做係幾危險~

各位準媽媽~千祈唔好學我呀..


唔可以係床上用較剪/ 房間裡用較剪  -- 會動胎氣 & BB 嘴仔會唔靚

呢樣野, 好多時我都係用完較剪先記得 >///< 奶奶見到就話過我幾次

但如果完全唔用較剪係無可能, 無理由次次剪野都要人幫你代勞咖~好怪相囉


都好在~Yin BB的嘴仔好靚靚, 爺爺仲話第日佢一定牙尖嘴利..咁即係...會駁咀駁舌!? = ="


唔可以雙手向後舉過頭部位置 -- 會早產

聽完我都好懷疑......係真唔係呀?!

我無印象有無做過,

但就試過發夢自己早產....嚇到我即時砟醒..


其實懷孕傳統禁忌有好多.....信唔信真係好睇個人..

好明顯我都唔係跟到足的人.

準媽媽, 想知多d, 去下面條link睇多吧~

http://hk.search.yahoo.com/search?p=%E6%87%B7%E5%AD%95%E5%82%B3%E7%B5%B1%E7%A6%81%E5%BF%8C&fr=FP-tab-web-t&ei=UTF-8&meta=rst%3Dhk


2, 嘔吐

成個懷孕期間,

好好彩, 我無嘔吐過.

陀B第二個月時係有次食完飯, 心口悶悶地,

以為自己想作嘔.

係廁所度搞左一大輪, 咩都無嘔到, 口水就一大堆





3, 飲食

陀B第1個月, 胃口正常, 無特別食多/食少.

第2個月, 厭奶期 (呵呵~唔係Yin BB先有咖), 超唔想飲奶同食魚, 一聞到就想作嘔作悶 ><"

第3個月, 胃口變好, 開始飲番鮮奶 & 食魚

第4-8個月, 胃口超好, 見到咩就想咩 >///< (除左要戎口的食物)

第9-10個月, 胃口差d失控...终於有次產檢磅重 -- 超重 (其實只係超重左1g咋), 之後要見醫生 = ="


4, 體重

做女時 (106g) >> 陀B最高峰 (146g) >> 生完B (132g) >> 依家 (110g) ---仲有6g肥膏痴係身...


5, 孕婦奶粉

如何你係食得,訓得又無咩點嘔的準媽媽,

真係唔使買黎飲...

一 : 甜到爆

二 : 飲得多好易肥

三, 無咩真正理據證明飲左係咪對媽咪同BB有益


6 超聲波

除左因為要做唐氐檢查係屯門醫院照過下超聲波,

之後我只係去私家度照過2次咁大把.

第一次照 boy or girl...

第二次照 係臨生時check下BB 有幾重 (因後期好多人都話我個肚好大, 好可能係巨B, 嚇死我驚到時要開刀生)

其他咩3D, 4D, 結構性(呢個因為過左時間無得照) 都無照過.

感恩, Yin BB最後都健健康康出世.


7. 胎教音樂

陀B第5個月我先開始聽, 因為呢個時候 BB 的耳仔差唔多發展完成,

會對外界的音樂作出反應.

我每晚臨訓前聽10-15mins...好多次聽到我訓著左, Yin BB都無反應.

反而有次聽Jay Chou, Yin BB就好鬼興奮..哈哈~ (叻仔, 同媽媽一樣係Jay Chou Fans ^^)



暫時記低咁多先~to be continued