上星期, 收到好友Matt 哥 (our wedding -- 老公的兄弟幫) 訂婚大喜訊.
好開心呀. ^^
跟住, 成班好友齊齊係Whatsapp度恭賀 & 追問佢求婚細節...哈哈
睇黎~ Yin BB好快又要做花仔啦~
正正因為呢個好消息,
燃起我寫番wedding prepare的動力.
希望我可以係佢地開始籌備wedding時,
寫番曬所有Wedding的Blog文啦~ (幻想中....
)Date Back :
擇好左日子-- 01.10.2012
跟住就係ko另一個大project -- 證婚場地.
係外國, 好多新人都會係番自己屋企的後花園度辦結婚典禮. (如首圖)
請埋一大班親朋好友黎觀禮, 然後黎個 Cocktail / Lunch buffet , 夜晚就搞個 wedding party~
仲有現場音樂伴奏~wa ka ka
自家制 -- Ice lolly (OMG~佢地既DIY真係好強勁!!!!!!!!!!)
越睇越正, 越睇就越羨慕
V
V
V
V
V
V
V
返番現實, 係寸金尺土的香港,
如果你唔係有"李家誠"的身家, 邊得黎成千幾二千尺的後花園呀 = =''''' (大過曬我地屋企)
再唔係全日租用成個outdoor 場地搞wedding, 未計野食..場地費都嚇死人...
不過, 單單租黎簽字證婚 + 小型Cocktail / Lunch buffet 又唔係咁難既...
上網睇過唔少Blogger分享, 原來香港都有好多唔錯的證婚場地 (請按此)
睇番自己的需求同預算, 點都會搵到個岩心水既. ^^
幾經篩選, 算係搵到幾間岩心水的證婚場地 (正確黎講係岩我心水)
我就約好時間同老公睇場.
1, 黃金海岸酒店 & 遊艇會
呢個絕絕絕對對對係我pat pat痕搵番黎.
因為搵證婚場地時, 咁岩撞正佢地open day.
我好天真地同老公講"去睇下都無妨呀, 可能都會有價錢平d的plan呢?!"
擺明係得個睇字, 唔知點解老公又會陪我去癲 XDDD
最後, 梗係得個睇字..打左個白鴿轉就走人.
價錢方面...我完全忘記左.. (因為實在太嚇人啦)
不過有印象遊艇會的浮台(即上圖2)..淨係場地就HKD2xxxx ..(咩都唔包)
2, 帝京酒店 -- 地中海花園
呢個係睇左Blogger -- 莎拉 的分享文後, 心CC就約左時間去睇場.
點知...當日睇場個負責人遲大到, 搞到我同老公係Lobby度呆等半個鐘...= =''''
到睇場了 :
進場門口, 如果到時加上佈置, 應該唔錯.
門口的另一邊, 我同負責人企係個度就係到時簽字的地方.
不過, 睇真d..個拱形架真係殘左d囉, 再加埋兩個吹跌左的花架..(我完全想像唔到係呢度證婚的情景會係點= =")
免費裝飾, 係唔可以要求太多啦~
遠睇景觀 :
噴水池景:
老公睇完就話..如果係天氣差要轉呢度, 俾同樣的錢, 咁點解我地唔直接搵個靚d的 Indoor場地呀.
講真, 我點會唔明白呢個道理.
不過大前提係..有邊個新娘會一開始就諗定自己Big day個日會打風落雨咖...
所以...揀證婚場地...我係完全無諗過天氣呢個問題 XDDD
當日總結 :
戶外證婚場地, 景觀上的確唔錯, 而且地方寬落.
價錢都ok (場地租用2小時, 費用HKD4-5500, 唔包婚禮監禮服務, 要自行請律師證婚)
不過免費包的佈置唔多& 比較殘舊, 係佈置方面又要另花一筆.
***根據Blogger (按此) 資料提供, 地中海花園於2011年年底拆卸改建, 地中海花園證婚暫停, 詳情都係問番酒店!!! ***
3, 皇家太平洋酒店 -- Outdoor 證婚埸地
睇完帝京酒店的證婚埸地, 下場就去皇家太平洋酒店.
同樣, 我都係以"Outdoor" 證婚埸地為大前提,
第一時都係睇左佢地的戶外證婚埸地先 (我知佢地都有Indoor埸地).
不過點解次次睇場的負責人都係遲大到咖....(老公開始燥燥地
)睇場了:
超失望...
所謂Outdoor證婚埸地 ----根本就係停車場!!!!!
未行埋到去, 老公同我講 : 前面停車場黎喔~
我仲傻下傻下話 : 未到咋!
到左, 老公就同個負責人講 : 呢度係停車場黎喔~
負責人 : 係呀~係停車場黎咖~不過如果當日有證婚, 到時就唔有車泊係度啦~ (老公聽完仲燥上加燥..)
呢樣都算了..個時場地對面仲有大型裝修工程搞緊..
鑽地機"轟轟聲"係咁吵...
仲有, 場地隔離係個"公眾"露天公園,
即係...到時我地證婚簽字...仲有其他人做"見證"!!!
睇左10mins唔夠, 我完全無曬心情 + 老公燥底
準備想走人時, 個負責人叫我地不如睇埋佢地的Indoor--薰衣草證婚場地.
我聽到係Indoor, 真係無咩興趣...
但老公竟然話睇埋先走...(我諗住佢燥底, 仲邊有心情睇喔>//<)
不過我見佢陪我睇到身水身汗...
如果睇完唔岩心水, 就當係俾老公入去休息下&平息佢既燥意 @@"
點知....
睇完就Bingo左~
世事就係.......越係專登去搵就越搵唔到..反之亦然~
下篇先同大家講我的"Indoor"薰衣草證婚場地 ^^
沒有留言:
張貼留言