♫ Happy 30 Month ♪

上星期(19/9)Yin B 2歲半大啦~

之前太多野忙,

miss左好多佢既成長紀錄><"

呢4個月佢學識好多野,但我都忘記晒時間..

好啦~好啦~下次再勤力d記低啦~

先講身高,

自從無番健康院檢查後,

我就無真正幫Yin B 度身高.

加上之前買既Thomas身高貼,黏左埋牆都無一星期就甩左,

就更加忘記左!!

直至最近pat pat痕淘左上面呢個,

一度Yin B 92cm啦~@@"

唔怪得佢成日俾人問係咪3歲啦~

睇黎佢仲可以食野坐車唔使俾錢既時間就黎無啦~鳴鳴~

食野方面,

除左食佢既自愛(月餅/茶點)先會好似上圖咁乖坐定定係度,

仲自己"不"黎食!

其餘時間都係我地追住黎喂佢><""

多得我老公啦~因為1個月前Yin B開始唔肯坐佢BB椅,

老公就話由佢自己坐係我地大人食飯椅度.

一坐成個人都矮左落去,

"不"唔到飯自己食,

仲無野困住佢,食幾啖就走左去..

依家我次次抱Yin B番BB椅坐,

佢就係咁叫"唔坐!唔坐!"

出街食野仲勁,一見到BB椅坐都未坐,

就係咁叫去廁所,去完死死氣地坐一陣,

之後又話"痾臭臭"...(第一次我都信佢咖,之後次次都係咁就知佢玩野!)

依家出去食野真係想坐得舒服d都難~

講野方面:

識講要去大小便(都有一段時間),

依家Poo Poo時,痾左就會話"舒服晒!"

"唔..唔..好臭"(有埋表情同動作咖XDD)

"痾完..痾完..爸爸..抹pat pat"

依家識講"唔"字後,

成日一唔老皮就講"唔食, 唔玩, 唔沖(沖涼),唔坐(BB椅)..."

仲有"我"字,

成日鐘意玩開門關門既佢,

一見我地開房門/櫃門/水龍頭,

佢就係度要"我開"/"我關".

有時幫佢關左門,佢就會發脾四係都要開番黎俾佢關番先得!!

仲有呢排一見M記廣告就係咁叫"我要食,麥當勞"

or "爸爸,買麥當勞"

(媽媽我:思疑老公之前係咪成日都買薯條俾Yin B食"??

唔係點解成日叫爸爸買!??) 

其他:

見到唔同動物就會扮佢地叫聲~

開始見人會主動say hi/say bye~

顏色英文(中文間中先會講下)

1-20中文&英文(有時數到11就到左15~哈哈)

A-Z(大細楷都識)

問問題:

eg:今日乖唔乖? Yin B:乖

今日曳唔曳? Yin B:曳 

凍唔凍? Yin B:凍

 之後再問熱唔熱? Yin B:熱 (= =")

一見我地擦藥油/藥膏,就係咁叫"好痛痛"

之後指住自己咩事都無既手腳又話"好痛痛".

直到我地扮野幫佢擦埋一份,佢先收聲!

除左仲係跟口水尾先講到自己名同幾多歲,

Yin B依家講野我都認為問題不大.

上個月番健康院覆檢語言進度,我都無帶佢番去嚕!

活動:

之前唔鐘意俾我影相既Yin B,

自從有日我同佢講"我地自拍",

依家一見電話就講"影相~影相".

仲好多表情咖~

開始早晚刷牙都有4個月啦~

但我仲未用牙膏住~怕Yin B會吞落肚..

(有無咩BB牙膏好介紹??!)

識鍚鍚同嘴嘴XDD

分別就係前者佢只會擺個面珠埋你度俾你鍚,

後者就係佢會嘴對嘴鍚埋黎(所以出街見到熟人我只會講鍚鍚咋)

健康:

中秋節既後遺症,

食得多月餅糖果,上星期開始咳依家仲有痰呀><"

睇左醫生,希望快d好番啦~

最最最最最最令我頭痛既野>>>戎奶嘴!!

雖然只係訓覺先食,但2歲半人仔仲係咁~

好醜怪囉~

屋企人到時幾時先可以一齊狠心同佢戎呀~(煩躁###)

成長~開心過中秋^^

今年既中秋真係大人細路都玩得好開心~

起初仲擔心夜晚落大雨會好掃興,

結果天文台又例牌失準,

我地一家先玩得咁開心~哇哈哈XDDD

當日我地特意早食飯可以早d出去賞月~

第一站去左天水圍公園,

行左一個圈,買左一個玩2次就壞左既螢光彈弓竹蜻蜓= ="

食極都唔飽既Yin B 一見到雪櫃攤檔,

就係咁拖我埋去話"呢邊..呢邊..", 最後梗係得逞啦~

趁時間仲早,最後我地都番左屋企村公所既公園仔玩~

點知仲熱鬧又多野玩~

呢個小型煙花棒,媽媽(我)細個時真係玩唔少~

依家就真係買少見少啦~

不過Yin B既興趣就不大,

梗係啦~佢既興趣係食嘛XD

村公所有好幾家人BBQ,

佢就係咁昅住人地d可樂汽水= ="(失禮C人囉)

之後真係俾佢拎到罐可樂,

諗住俾佢飲幾啖就同佢去玩..

點知轉頭我地玩緊時,佢就成日靜雞雞行埋去飲幾啖!!

當晚既重頭戲>>孔明燈

放就犯法啦~我地唯有欣賞算啦~

呢個人仔一見到孔明燈係咁大大聲講"燈籠~燈籠~bye bye"

最後仲補多句"趺趺..."(因為之前有一盞孔明燈昇左又趺番,我地講左一句"趺啦",

Yin B就跟左口水尾啦~哈哈)

之後有個哥哥借左部滑板車俾我地玩~

佢地兩仔爺玩唔停~

玩到最後小朋友突然走晒,

我地先知已經12點~呵呵~

最後拿拿林同Yin B講番去食月餅佢先肯走~

今年玩得好開心~希望明天繼續XDD

成長~沒有上N班的日子

9月都過左一個星期,

陸續係FB睇到好多龍B番學既情況,

BB例牌大喊,媽媽就日日擔心~

不過呢個情況我同Yin B就要明年今日先開始.

事關我一直都無意欲要佢早讀一年書,

所以一開始都無同佢報過N班.

無番N班,多少都會俾人比較.

最記得係上年係Playhouse見到2個媽咪,

迎面就問我N班面試未,小朋友表現如何...

我之後一句"我無諗住同佢赧N班喔"回應佢地.

跟住佢地就即刻變臉唔同我傾計...= ="

有時見到朋友仔亦會講起"早番學可以學多d野"..

直到後期番健康院見姑娘,Yin B講野跟唔上進度..

老公就開始擔心..又話如果報N班俾佢係咪好好多...

成長~超級"鄭多燕迷"

之前都Post過Yin B同我一齊跳鄭多燕的短片~

唔知因為果時媽媽我好勤力>>晚晚跳,

所以當時歲半人仔既Yin B先會同我跳埋一份.

不過後期太懶散啦~跳鄭多燕的次數10隻手指都數得曬~= ="

點知上個月開始我突然跳番一次後,

Yin B竟然就晚晚都要我開黎俾佢睇,

仲比細個時跳得叻左呀~哈哈

上圖既佢,人地都未開始一聽到音樂就無比興奮= ="

係咪好有姿勢呢!!!佢仲會跟口講埋拍子咖>>one two three...

老公仲笑住話"你個仔仲勤力過你減肥呀!!" = ="

育兒~戎片小分享(純文宇)

有媽咪問起戎片方法,

就簡單同大家分享下啦!

**以下只為個人意見分享,無一定的準則.

請各位媽咪因應自己小朋友去教導哦**

1.夏天戎片:天氣熱係小朋友最好的戎片時間.

依家天氣越黎越熱,大人著多一條褲都辛苦啦~

更何況係小朋友仲要包住一塊厚尿片.


2.由屋企開始:Yin B係上年3-4月時就開始無係屋企著片.

俾佢習慣無著片的舒服感.

仲有就係定時問佢去唔去廁所.

eg:食飯前/後, 飲完大量水後,

基本每小時(短則半小時)就問佢去唔去.

當有左個時間習慣,佢地就會慢慢知道幾時要去廁所.

同樣問佢去唔去廁所的時間亦可相應加長.

**呢PART係最需時間同耐性,媽咪們要加油哦**

♫ Happy25, 26 Month ♪

終於有時間更新啦~

呢個月頭掛住同Yin Ba慶祝生日...

完全忘記左更新Yin B的近況^0^

成長~My baby can read^0^

上個月番健康院跟進Yin B語言發展,

雖然都係Fail左,

但媽媽我暫時都唔太擔心,

始終個個小朋友都唔同嘛~(Yin Ba又係呢句= =!!)

果然~幾日後Yin B 終於進步神速XDDD

烹飪~廚藝大進步

唔經唔覺做左人妻同媽媽2年啦~ 

由當初煎個蛋都唔得既我,依家竟然廚藝好過老公!!  

唔講咁多, 分享一下我的制成品先^^

(上圖)呢次煮的白汁意粉係最好味~

遊記~泡菜國之旅Day 2

有朋友仔黎緊4月中去Korea影pre-wedding,

羨慕C人啦~

唯有睇番上年遊Korea相片自我安慰下啦XDD

♫ Happy 24 Month ♪

係時候又講番Yin B成長紀錄啦~

上個月因為忙住搞Yin B的生日會,

所以都無咩時間去update個Blog.

成長@2歲人仔迪士尼

星期三(19/3)正式2歲人仔的Yin B,

我地終於同佢去左人生第一次迪士尼嚕~

(亦都係我同Yin Ba的第一次)

婚享~Pre-Wedding@AT studio

(圖片自Signlove Korea prewedding)

去韓國影Pre-Wedding,

一直都係我的心願♥♥(首圖係咪好正呢♥) 

可惜當時老公唔buy佢地的拍攝風格,

最後願望落空.

成長~護膚品專家

每晚臨瞓飲奶前,

Yin B最鐘意就係我地房度搞亂檔.

我一盒盒護膚品就成左佢至愛既玩具= =''

成長~terrible 2

最近個個媽媽都講起"terrible 2",

等我都黎湊吓熱鬧先.

Yin B出世到依家,

我地已知佢唔係易控制既人,

叫佢做野總係睇佢好唔好心情,

小小唔岩佢心水就發脾四,

所以我都無咩留意佢到左terrible 2階段未,

或者係好早已經係terrible 2吧(=‵′=)

噚晚,因為我唔俾個MP3手指佢玩,

佢就係地墊度一哭二鬧三滾地(當下真係好似睇緊驅魔人咁￣□￣">>田鼠媽口吻).

我梗無理佢啦,點知佢就變本加厲,

最後要爺爺大大聲話佢,

佢先慢慢收聲扮無野!

遊記~泡菜國之旅Day 1

上年10月中,我同Yin Ba去左一轉泡菜國-Korea~

補祝番我地渡蜜月.

14/10/2013(Mon)

數數手指,今次係我第三次出國咋(超少呀!!!)

例行公事--影登機牌(其實我係第一次影, 平時FB見人影得多嘛≧∇≦)

成長~Yin B的聖誕禮物

今年Yin B收到的聖誕節比上年既多呢~

先黎小檬媽轉贈的車車!

睇下Yin B開心都拍晒手既表情,

就知佢有幾鐘意啦XDD

因為我地住村屋既關係,所以有幸可以收到呢份大禮~

再一次多謝小檬媽♥♥♥

煲劇的日子

屋企自從多左Yin B後,

我地一家幾口可以認真煲吓碟的時間真係少之有少囉.

老爺係個超級電影迷, 

呢個櫃裡面的碟全都係佢既珍藏至愛黎咖~

依家佢都係趁假日我地湊yin b番婆婆度佢先可以專心睇番下咋XDD

成長~音樂迷

唔知幾時開始,

Yin B對音樂呢樣有左好大興趣.

依家每次一聽到音樂佢身體都會左搖右擺,

有時更加會拍手搖埋頭.

後來發現佢對拍子特別勁的音樂,

聽得特別起勁XDD

本身我,老公仲有老爺都算係鐘意唱歌之人,

估唔到Yin B都遺傳左呢樣野--鐘意音樂.

至於佢的歌喉係點,就要等佢開金口先知啦~

老公有次仲抵死咁話叫爺爺教Yin B震音,佢就教假音,

我就教"走音"!!!(當下真想掐實佢條頸(╬￣皿￣)凸 

@28/12/2013

♫ Happy 20, 21, 22 Month ♪

終於收拾番心情update下個Blog啦~

話說上年的11月開始,

屋企發生左大大小小的問題,

我的心情真係跌到落谷底.

好在最後都算係雨過天晴,

新一年除左希望家人身體健康,就係大家一團和氣.

11/2013

講番Yin B啦~

X'Mas Party @ 28/12/2013

上年的28/12,

我同Yin Ba,仲有一班大細佬係屋企過左個暖粒粒&開心的X'Mas party!